သတင်းဆောင်းပါးများ

ကိုဗစ်ကာလ နှစ်ဆပိုခက်ခဲနေတဲ့ မသန်စွမ်းများ

January 28, 2021

ကိုပြည့်ဖြိုးဝေအလုပ်လုပ်သည့် စက်ဘီးမော်တာလုပ်ငန်းခွင် ဓါတ်ပုံ – ဂေထော ၂၀၂၁၊ ဇန်နဝါရီ (မော်ကွန်းမဂ္ဂဇင်း) ဂေထောရေးသည်။ ပြီးခဲ့သည့်နှစ် မတ်လနှောင်းပိုင်းတွင် မြန်မာနိုင်ငံသို့ COVID-19 ရောဂါပိုးစတင်ကူးစက်လာခဲ့သောကြောင့် အသက် ၃၀ အရွယ် အမြင်အာရုံမသန်စွမ်းသူ ကိုလှဝင်းတင်၏ တစ်ခုတည်းသော ဝင်ငွေရလမ်းဖြစ်သည့် မျက်မမြင်အနှိပ်ခန်းကို ရက်အကန့်အသတ်မရှိ ပိတ်ခဲ့ရသည်။ ထိုအချိန်က ဇနီးသည်မီးဖွားရက်နီးကပ်နေချိန်ဖြစ်သောကြောင့် သူတို့အဖို့ အစစအရာရာစိန်ခေါ်မှုကြီးမားခဲ့သည်ဟု ၎င်းကပြောပြသည်။ “ဆွေမျိုးတွေကို အင်မတန်ကျေးဇူးတင်ရမယ်။ သူတို့ကူညီပေးထားလို့သာ။ နို့မို့ဆို ကျွန်တော်တို့ဘဝကြီးက မတွေးဝံ့စရာ ပဲ။ လမ်းဘေးရောက်သွားမှာ အသေအချာပဲ” ဟု ဒီဇင်ဘာလတုန်းက ရွှေပြည်သာမြို့နယ်ရှိ သူ၏နေအိမ်တွင် တွေ့ဆုံစဉ်က ပြောပြသည်။ သန်စွမ်းသူများပင် အသက်မွေးဝမ်းကျောင်းအတွက် မနည်းရုန်းကန်နေရသည့် ကပ်ရောဂါကာလတွင် ကိုလှဝင်းတင်တို့လို မသန်စွမ်းများမှာ ပိုမိုအခက်အခဲတွေ့ကြုံကြရသည်။ သို့သော် ၎င်းတို့ကိုအကူအညီပေးနိုင်ရေးအတွက် သီးခြားစာရင်းပြုစု ခြင်းများမရှိသေးသကဲ့သို့ […]

အပြည့်အစုံဖတ်ရန်

ဆင်ဆာလှောင်ချိုင့်ထဲက ရုန်းမထွက်နိုင်သေးသည့် မြန်မာ့ရုပ်ရှင်

January 7, 2021

အောင်ပိုင် ဒီဇင်ဘာ ၂၀၂၀ (မော်ကွန်း) စစ်အစိုးရ၏ဆိုးမွေ ရုပ်ရှင်ဆင်ဆာစနစ်ကို ဒီမိုကရေစီနိုင်ငံများတွင် ကျင့်သုံးသော အသက်အရွယ်အလိုက် ကြည့်ခွင့် ရှိ၊ မရှိ ဆုံးဖြတ်သည့်စနစ် Rating System ဖြင့် အစားထိုးရန် လွန်ခဲ့သော ၁၀ နှစ် ဒီမိုကရေစီအကူးအပြောင်းစကတည်းက ရုပ်ရှင်အနုပညာရှင်များ မျှော်လင့်ခဲ့ကြသည်။ သို့သော်လည်း ဆယ်စုနှစ်တစ်ခုကြာသည့်တိုင် တစ်စုံတစ်ရာထူးခြားမလာဘဲ ၁၉၉၆ ရုပ်ရှင်ဥပဒေပါ ဆင်ဆာစနစ်ကိုသာ ကျင့်သုံးနေဆဲဖြစ်သည်။ ထို့ကြောင့် ရုပ်ရှင်အနုပညာဖန်တီးမှုပိုင်းတွင် ကန့်သတ်မှုများ ကြုံနေရသည်ဆိုကာ မြန်မာ့ရုပ်ရှင်ရာပြည့်နှစ် ၂၀၂၀ အကုန်ပိုင်းတွင် ဇာတ်ညွှန်းဆရာ၊ ဒါရိုက်တာ၊ သရုပ်ဆောင်များသည် လူမှုကွန်ရက်ပေါ်တွင် #RatingSystemNow ဟု ဆန္ဒပြလာကြသည်။ ဇာတ်ညွှန်းဆရာ M နိုးက “မချုပ်မနှောင်ထားသော၊ တာဝန်ယူမှု တာဝန်ခံမှုရှိသော ရုပ်ရှင်အနုပညာပေါ်ပေါက်လာနိုင်ဖို့ အဲဒီတစ်နည်းပဲရှိပါတယ်” ဟု ပြောသည်။ သူသည် […]

အပြည့်အစုံဖတ်ရန်

မြန်မာ့ဘောလုံးရွှေခေတ်ရဲ့ ကြယ်တစ်ပွင့်

December 14, 2020

ရေဂင်ရေးသည် ရန်ကုန် – ၂၀၂၀ ဒီဇင်ဘာ (မော်ကွန်း) တိုက်ခန်းတံခါးဝတွင် ‘သတိခွေးကိုက်တတ်သည်’ ‘လက်ဆေးပါ’ စသည့် သတိပေးစာ နှစ်ကြောင်းကြောင့် ကျွန်တော် အတန်ငယ်တွေဝေမိသေးသည်။ တံခါးတွင် ချိတ်ဆွဲထားသည့် လက်သန့်ဆေးရည်ဖြင့် လက်ဆေးပြီးနောက် လူခေါ်ခေါင်းလောင်းကိုနှိပ်လိုက်သော်လည်း တော်တော်နှင့် အထဲမှအသံမကြားရ။ လိပ်စာမှားပြီလားဟု သံသယဝင်လာချိန်တွင် ဥပဓိရုပ်ကောင်းကောင်း၊ ကိုယ်လုံးကိုဖန် တောင့်တောင့်နှင့်လူကြီးတစ်ယောက်က တံခါးလာဖွင့်ပေးသည်။ သူလမ်းလျှောက်နေချိန်တွင်တော့ ညာဘက်ခြေထောက်က ထော့နင်းထော့နင်းဖြစ်နေသည်ကို သတိပြုမိသည်။ “သတင်းသမားထင်တယ် လာလာ.. အိမ်ထဲဝင် ခွေးသိမ်းနေလို့” ဟု ပြောပြောဆိုဆို သံပန်းတံခါးကို ဖွင့်ပေးသည်။ အိမ်အဝင်ဝတွင်ရှိသည့် သစ်သားဘီဒိုကြီးနှစ်လုံးတွင် လေလျော့နေသောဘောလုံးအဟောင်းများ၊ ဆုတံဆိပ်များ၊ ဆုဖလားများက ဖုန်အလိမ်းလိမ်းနှင့်စုပြုံလျက်။ ထိုဘီဒိုနှစ်လုံးအလွန်တွင်တော့ ဆိုဖာထိုင်ခုံသုံးလုံး၊ စားပွဲတစ်လုံးသာရှိသည့်ဧည့်ခန်းမှာ လင်းလင်းကျင်းကျင်း သပ်သပ်ရပ်ရပ်။ “လာကွာ ထိုင်… သက်သောင့်သက်သာနေ၊ အရင် ဒီမှာပဲ […]

အပြည့်အစုံဖတ်ရန်

ပြန်လည်သုံးသပ်ရမည့် တိုင်းရင်းသားလူမျိုးရေးရာဝန်ကြီးနေရာ မဲပေးခွင့်ဆုံးရှုံးမှု

December 10, 2020

အောင်ပိုင် ရန်ကုန် – ၂၀၂၀ ဒီဇင်ဘာ (မော်ကွန်း) ဆန္ဒမဲပေးသည့်နေ့က ကရင်လူမျိုးစောမင်းနိုင်သည် ကရင်တိုင်းရင်းသားလူမျိုးရေးရာဝန်ကြီးကိုပါ ရွေးချယ်မဲပေးခွင့်ရ မည်ဟု မျှော်လင့်ထားခဲ့သော်လည်း လွှတ်တော်သုံးခုအတွက် မဲလက်မှတ်သုံးစောင်သာရသောကြောင့် မဲရုံတာဝန်ရှိ သူများထံ တစ်မဲထပ်ထောင်းသည်။ မဲဆန္ဒရှင်စာရင်းတွင် တိုင်းရင်းသားလူမျိုးရေးရာဝန်ကြီးကို မဲပေးခွင့်ရှိသူဟုပါဝင်မှသာ မဲပေးခွင့်ရမည်၊ မပါလျှင် ပေး ခွင့်မရဟု တာဝန်ရှိသူများက ရှင်းပြသည်။ ထိုရှင်းပြချက်ကို သူနားမလည်နိုင်။ သူနားလည်သည်က သူ၏အမည်သည် မဲဆန္ဒရှင်စာရင်းတွင်ပါဝင်သည်၊ ထို့ကြောင့် ဆန္ဒမဲလေးခုပေးရမည်။ ပြီးခဲ့သည့်ရွေးကောက်ပွဲများတွင်လည်း ထိုအတိုင်းမဲပေးခဲ့ပြီးပြီ။ ယခုတစ်ကြိမ် တွင်မူ ကျေနပ်လောက်စရာမရှိသည့် အကြောင်းပြချက်ဖြင့် မဲပေးခွင့်ဆုံရှုံးရတော့သည်။ “နိုင်ငံတော်က အသိအမှတ်ပြုတဲ့ မှတ်ပုံတင်မှာလည်း ကရင်လူမျိုး၊ မဲစာရင်းမှာလည်း ပါပြီးသားပဲ။ အရင်ကလည်း ဒီအတိုင်းပဲ မဲပေးခဲ့ပြီးပြီ။ ခုကျမှ အခွင့်အရေး တစ်ခုဆုံးရှုံးရတယ်” ဟု စောမင်းနိုင်က မကျေမလည်နှင့် […]

အပြည့်အစုံဖတ်ရန်

အွန်လိုင်းပေါ် ပျောက်ဆုံးနေသော ကျပ်သန်းပေါင်းခြောက်ထောင်ကျော်

October 31, 2020

အောင်ပိုင် ရန်ကုန် – အောက်တိုဘာ ၂၀၂၀ (မော်ကွန်း) စာဖတ်သူတို့၏ လူမှုကွန်ရက်သုံးစွဲမှုကို အစိုးရက ငွေကျပ်သန်းပေါင်းထောင်ချီသုံးပြီး ဘေးထွက်ဆိုးကျိုးမဖြစ်အောင် စောင့်ကြည့် ထိန်းကျောင်းနေသည်ဆိုသော ပြောဆိုချက်ကိုယုံကြည်ပါသလား။ ယုံသည်ဖြစ်စေ၊ မယုံသည်ဖြစ်စေ ပြည်သူပိုင်ငွေကြေးမြောက်များစွာကို အစိုးရက ထိုအတွက် ထုတ်ယူသုံးစွဲနေသည်မှာ နှစ်နှစ်ကျော် သုံးနှစ်နီးပါး ရှိနေပြီဖြစ်သည်။ အစိုးရက ကျပ်သန်းပေါင်းခြောက်ထောင်ကျော်သုံးပြီး ဖွဲ့စည်းထားသည့်အဖွဲ့ကို လူမှုကွန်ရက်စောင့်ကြည့်ထိန်း ကျောင်းရေးအဖွဲ (Social Media Monitoring Team – SMMT) ဟုခေါ်သည်။ ထိုအဖွဲ့၏ လုပ်ထုံးလုပ်နည်းများနှင့် ငွေသုံးစွဲမှုမှာ ပွင့်လင်းမြင်သာမှုအလွန်နည်းနေသည်ဟု ပြည်သူ့လွှတ်တော်ကိုယ် စားလှယ်များအပါအဝင် ပြည်သူ့ဘဏ္ဍာငွေသုံးစွဲမှုများ ပွင့်လင်းမြင်သာရေးဆောင်ရွက်နေသည့် အရပ်ဘက်အဖွဲ့အစည်းများ၊ နည်းပညာအရေး လှုပ်ရှားသည့်အဖွဲ့၊ ဥပဒေသမားများနှင့် လူမှုကွန်ရက် စောင့်ကြည့်လေ့လာသူများက ဝေဖန်ကြသည်။ အမျိုးသားဒီမိုကရေစီအဖွဲ့ချုပ်ပါတီမှ မင်္ဂလာဒုံမဲဆန္ဒနယ် ပြည်သူ့လွှတ်တော်ကိုယ်စားလှယ် ဦးအောင်လှိုင်ဝင်းက “အစိုးရကို […]

အပြည့်အစုံဖတ်ရန်

ရွေးကောက်ပွဲနှင့် လုပ်ကြံသတင်းတုဘေး ဘယ်လိုပြေးတွေ့ကြမလဲ

September 16, 2020

အောင်ပိုင်ရေးသည်။ COVID ကမ္ဘာ့ကပ်ရောဂါကြောင့် ကျောင်းများပိတ်ထားသော်လည်း အမျိုးသားစီမံခွန့်ခွဲမှုပညာဒီဂရီကောလိပ်ဝင်းထဲရှိ သတင်း စာပညာဌာနမှူးရုံးခန်းတွင် ပါမောက္ခဒေါက်တာဇင်မာကျော်သည် သတင်းတု၊ သတင်းမှားများကို သုတေသနလုပ်နေ သည်မှာ သီတင်းပတ်များစွာ ကြာပြီဖြစ်သည်။ မကြာခင်ကျင်းပတော့မည့် ရွေးကောက်ပွဲအတွက် အွန်လိုင်းကနေ သင်ခန်းစာများပို့ချရန် ပြင်ဆင်နေရသည့်အပြင် ရွေးကောက်ပွဲနဲ့ သက်ဆိုင်သည့် လမ်းညွှန်များ၊ ဥပဒေများ၊ စာတမ်းများကို ရှာဖွေဖတ်ရှုလေ့လာရင်း၊ အင်တာနက်မှ တစ်ဆင့် ကွန်ဖရန့်များတွင် ပါဝင်ဆွေးနွေးရင်း သတင်းတု၊ သတင်းမှား အန္တရာယ်ကို လျှော့ချရန် အဖြေရှာနေခြင်း ဖြစ်သည်။ “လူမှုကွန်ရက်ပေါ်က သတင်းတု၊ သတင်းမှားတွေက ရွေးကောက်ပွဲမှာ Voter Decision (မဲပေးသူတွေရဲ့ ဆုံးဖြတ်ချက်) ကို ပြောင်းလဲအောင် လုပ်နိုင်စွမ်းရှိတယ်ဆိုတာ တွေ့ရပါတယ်” ဟု လေ့လာနေဆဲ စာအုပ်၊ စာတမ်း များစွာ စီရီထားသော ရုံးစားပွဲမှာထိုင်ရင်း ၎င်းကပြောသည်။ […]

အပြည့်အစုံဖတ်ရန်

ပျံသန်းတော့မည့် အိပ်မက်တစ်စုံ

July 28, 2020

ကျော်ဇေယျာထွန်း ရေးသည်။ ATR အမျိုးအစားလေယာဉ်တစ်စီးသည် ကွင်းဝိုင်းပင်လယ်ကမ်းခြေတွင် အရှိုန်ပြင်းပြင်းဖြင့် ပြေးနေရာမှ ကောင်းကင်ပေါ်သို့ ထိုးတက်သွားလေသည်။ ကောင်းကင်ပေါ်ရောက်ပြီး ညာဘက်သို့ပြန်အကွေ့မှာတော့ လေယာဉ်သည် ရုတ်တရက် ကျောက်ဆောင်ပေါ်သို့ ဦးခေါင်းနှင့်ထိုးကျကာ “ချောက်” ဆိုသည့် အသံထွက်လာပြီး လေယာဉ်မှာ ထက်ပိုင်းကျိုးသွားလေတော့၏။ အဆိုပါလေယာဉ်မှာ တကယ့်လူစီးလေယာဉ်မဟုတ်ဘဲ ကိုယ်ထည်နှင့်အတောင်ပံ အရှည်လေးပေစီအသီးသီးရှိပြီး လုံးပတ်တစ်ပေကျော်ခန့်ရှိသော ရေဒီယိုထိန်းချုပ်မှုဖြင့် မောင်းနှင်သည့် RC လေယာဉ်အမျိုးအစားဖြစ်သည်။ လေယာဉ်ကို ထိန်းချုပ်မောင်းနှင်သူမှာ ကိုကိုရဲထွဋ်ဖြစ်သည်။ သူသည် လေယာဉ်ကောင်းကင်ပေါ်တက်သွား၍ ရင်ထဲပီတိဖြစ်ကာ ပျော်လို့ပင်မဆုံးခင် ယခုလို မြေပြင်သို့ထိုးကျပျက်စီးသွားသည့်အတွက် ရင်ထဲ ‘ဟာ’ သွားသည်။ “အချစ်ဦးနဲ့ကွဲတဲ့လူလိုလား။ ငါ့ရည်းစားသူများနဲ့ ညားတဲ့သူတွေလိုလား၊ အဲဒီထက်တောင် ဆိုးမယ်ထင်တယ်” ဟု လေယာဉ်ပျက်စီးသွား၍ ဖြစ်ပေါ်လာသည့်ခံစားမှုကို သူကပြောပြသည်။ အော်ဒါမှာသူကို အချိန်မီပေးပို့နိုင်ရန် စွန့်စားပြီးမောင်းကြည့်ခဲ့ရာမှ စက်ချွတ်ယွင်းကာ ယခုလိုအဖြစ်မျိုးနှင့် […]

အပြည့်အစုံဖတ်ရန်

ဘိုင်အိုမက်ထရစ် ဒေတာစနစ်နဲ့ မှတ်ပုံတင်မယ့် SIM Card များလုံခြုံပါရဲ့လား

July 27, 2020

အောင်ပိုင်ရေးသည်။ လက်ရှိအသုံးပြုနေသည့် SIM card များကို ဇွန် ၃၀ ရက် နောက်ဆုံးထား၍ နိုင်ငံသားစိစစ်ရေးနံပါတ်ဖြင့် မှတ်ပုံတင်ရန်နှင့် နိုင်ငံသားစိစစ်ရေးနံပါတ်တစ်ခုလျှင် SIM card နှစ်ခုထက်ပို၍ အသုံးပြုထားသည်ကို တွေ့ရှိပါက ပိတ်သိမ်းရန် ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ဆက်သွယ်ရေးညွှန်ကြားမှုဦးစီးဌာနက ဆက်သွယ်ရေး အော်ပရေတာများကို ညွှန်ကြားခဲ့သည်။ အဓိကအကြောင်းအရင်းမှာ မိုဘိုင်းဖုန်းအသုံးပြု၍ ကျူးလွန်သည့် ရာဇဝတ်မှုများကို လျှော့ချနိုင်ရေးနှင့် လုံခြုံရေး အတွက်ဖြစ်သည်ဟု ဆိုသည်။ (သို့သော် SIM card အရေအတွက် မည်မျှပိတ်သိမ်းသည်ကို ယခု ဆောင်းပါး တင်ဆက်သည့်အချိန်အထိ ထုတ်ပြန်ထားခြင်းမရှိသေးပါ။) ယင်းရည်ရွယ်ချက်ဖြင့်ပင် ထပ်တိုးအစီအစဉ်အဖြစ် SIM card အသုံးပြုသူသည် မည်သူမည်ဝါဖြစ်သည်ကို တိတိကျကျမှတ်သားဖော်ထုတ်နိုင်မည့် Biometric Data ဖြင့် SIM card မှတ်ပုံတင်ခြင်းစနစ်ကို အကောင်အ […]

အပြည့်အစုံဖတ်ရန်

ကိုဗစ်ကာလ အာဏာပြလာကြတဲ့ ဒေသန္တရအုပ်ချုပ်ရေး

May 7, 2020

လမ်းပိတ်ထားသောကြောင့် ဆက်သွားမရ ဖြစ်နေသည့် ရေသန့်အရောင်းသမားတစ်ဦး Photo by Aung Py အောင်ပိုင် ရေးသည်။ ဧပြီ ၂၁ ရက် ညပိုင်းက မန္တလေးမြို့၊ ချမ်းမြသာစည်မြို့နယ်တွင် ညမထွက်ရအမိန့်ဖောက်ဖျက်သူနှစ်ဦးကို နယ်ထိန်းရဲက ဝါးခြမ်းပြားဖြင့်ရိုက်နှက်ခဲ့ပုံများ Facebook စာမျက်နှာပေါ်တွင် ညတွင်းချင်းပျံ့နှံ့လာခဲ့သည်။ မန္တလေးတိုင်းဒေသကြီးအစိုးရအဖွဲ့၏ ညမထွက်ရဒေသန္တရအမိန့်တွင် တည်ဆဲဥပဒေအရအရေးယူရန်သာ ပါရှိသည့်အတွက် ယင်းလုပ်ရပ်သည် လူအများကြားတွင် အငြင်းပွားစရာဖြစ်လာခဲ့သည်။ ရိုက်နှက်ခံရသူနှစ်ဦးမှာ ညဘက်သတ်မှတ်ချိန်ကို ကျော်လွန်ကာသွားလာနေသဖြင့် လုံခြုံရေးနှင့်လှည့်ကင်းများက ထိုည၌ပင် ပထမအကြိမ် သတိပေးထားပြီးဖြစ်သည်ဟု ချမ်းမြသာစည်မြို့နယ် မဲဆန္ဒနယ်အမှတ် ၁ မှ တိုင်းဒေသကြီးလွှတ်တော်ကိုယ်စားလှယ် ဦးတင်အောင်က ပြောသည်။ နောက်တစ်ကြိမ်ထပ်တွေ့သည့်အခါ အချုပ်ထဲမပို့ရန် သူတို့ကတောင်းပန်ပြီး ဆုံးမသည်ကိုခံယူမည်ဟု ဆိုလာသောကြောင့် ဝါးခြမ်းပြားဖြင့်ရိုက်နှက်ခဲ့ခြင်းဖြစ်သည်ဟု ရဲအရာရှိများကပြောကြောင်း ဦးတင်အောင်က မော်ကွန်းသို့ ပြန်ပြောပြသည်။ ယခုလိုရိုက်နှက်အရေးယူခြင်းသည် “ဥပဒေနဲ့ညီလားဆိုရင် […]

အပြည့်အစုံဖတ်ရန်

ကိုဗစ်ကူးခံရတာ အပြစ်သားမဟုတ်ပါ၊ ခွဲခြားဆက်ဆံမှုတွေရပ်ကြပါ

April 28, 2020

ဗညားကျော် ရေးသည်။ ရန်ကုန် (ဧပြီ၊ ၂၀၂၀) COVID-19 ကူးစက်ခံရသူတွေဟာ ရောဂါကြောင့် စိတ်သောကရောက်နေရသလို တစ်ဖက်မှာလည်း ပတ်ဝန်းကျင်က ခွဲခြားဆက်ဆံ ပြစ်တင်ဝေဖန်မှုတွေကြောင့် စိတ်ပိုင်းဆိုင်ရာထိခိုက်မှုတွေဖြစ်နေရတယ်လို့ ပိုးကူးခံရသူတချို့နဲ့ စောင့်ကြည့်ခံထားရသူတချို့က ပြောပါတယ်။ သူတို့ကို ဆိုရှယ်မီဒီယာပေါ်မှာ ဝိုင်းဝန်းအပြစ်တင်ပြောဆိုနေတာ၊ ပတ်ဝန်းကျင်ကခွဲခြားဆက်ဆံတာတွေဟာ ရောဂါထိန်းချုပ်ရေးအတွက် ကူညီရာမရောက်ဘူးလို့ မော်ကွန်းကဆက်သွယ်မေးမြန်းခဲ့တဲ့ စိတ်ပညာရှင်နဲ့ စိတ်ပိုင်းဆိုင်ရာနှစ်သိမ့်ဆွေးနွေးသူတွေက မှတ်ချက်ပေးကြပါတယ်။ ရောဂါပိုးကူးစက်ခံရသူတွေကို ဆိုရှယ်မီဒီယာမှာ တိုက်ခိုက်နေရုံနဲ့ လိုချင်တဲ့ပန်းတိုင်ရာက်မှာမဟုတ်ဘူးလို့ ပါမောက္ခ‌ အငြိမ်းစား၊ စိတ်ပညာရှင် ဒေါက်တာခင်မြင့်ကထောက်ပြပါတယ်။ “အားလုံးက ဘယ်လိုအသိတရားရှိရှိနဲ့ ရင်ဆိုင်ကြမလဲ။ အနေအထိုင်အသွားအလာဆင်ခြင်ပြီးတော့ ရောဂါကို ဘယ်လို ကျော်လွှားမလဲလုပ်ရမှာ” လို့ သူက ဆက်ပြောပါတယ်။ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကလည်း COVID-19 ကို တိုက်ဖို့လိုတဲ့အင်အားတွေကို ကိုယ့်အချင်းချင်းတိုက်တဲ့နေရာမှာမသုံးကြဖို့နဲ့ လူထုအနေနဲ့ဒေါသတွေဖျောက်ပေးကြဖို့ ဧပြီ ၁၄ ရက်က […]

အပြည့်အစုံဖတ်ရန်

အရေးယူဖို့ခက်နေသေးတဲ့ မိုဘိုင်းငွေကြေးလိမ်လည်မှု

April 20, 2020

ဗညားကျော် ရေးသည်။ ရန်ကုန် – ၂၀၂၀ ဧပြီ (မော်ကွန်း) မတင်ဇာနွယ်ကို ကိုရီးယားမှာနေတဲ့ သူ့သူငယ်ချင်းတစ်ဦးက ငွေကျပ်တစ်သိန်းခွဲ လစဉ်နီးပါးလွှဲပေးတိုင်း ငွေလွှဲခအနေနဲ့ ဘဏ်ကတစ်သောင်းခွဲဖြတ်လေ့ရှိတာကို ပြီးခဲ့တဲ့နိုဝင်ဘာအတွင်း ငွေလွှဲတဲ့အခါကျမှ သတိထားမိခဲ့တာပါ။ ဒါကြောင့် Call Center ကတစ်ဆင့် ဘဏ်ကိုဆက်သွယ်ခဲ့ပေမယ့် ဖုန်းလိုင်းမအားတာကြောင့် မေးမရခဲ့ပါဘူး။ ဒါနဲ့နောက်တစ်နေ့မှာ CB Pay ဆိုတဲ့ Facebook page တစ်ခုကို မက်ဆင်ဂျာကနေ ဆက်သွယ်မေးမြန်း ဖြစ်ခဲ့ပါတယ်။ မတင်ဇာနွယ်ကို ငွေကျပ်တစ်သောင်းခွဲပြန်ထည့်ပေးမယ်ဆိုပြီး သူ့ရဲ့ မှတ်ပုံတင်နံပါတ်နဲ့ ကိုယ်ရေးအချက်အလက်တွေကို အဲဒီ့ပေ့ချ်ကတောင်းပါတယ်။ မက်ဆင်ဂျာကနေ Website Link တစ်ခုလည်းပို့ ပေးတယ်လို့ အသက် ၂၉ နှစ်အရွယ် မတင်ဇာနွယ်က ပြောပြပါတယ်။ အဲဒီလင်ခ့်ကို ဘဏ်က အမှန်တကယ်ပို့ပေးတယ်လို့ မှတ်ယူပြီး သူတို့တောင်းထားတဲ့ […]

အပြည့်အစုံဖတ်ရန်

လက်လုပ်လက်စားတွေ ရင်ထိတ်နေကြတဲ့ ကျောက်မျက်ဥပဒေသစ်

February 28, 2020

စီဇံမျိုးကျော် ရေးသည်။ မိုးကုတ် (ဇူလိုင် – သြဂုတ် ၂၀၁၉) မိုးကုတ်မြို့ဒေသခံ ဦးအုန်းဖေဟာ တစ်နိုင်တစ်ပိုင် ကျောက်ရှာတဲ့လုပ်ငန်းကို နှစ်လေးဆယ်လောက် ပုန်းလျှိုးကွယ်လျှိုး လုပ်ကိုင်လာသူပါ။ ဒီအလုပ်စလုပ်တဲ့ ၁၉၇၅ ဝန်းကျင်လောက်တုန်းက အစိုးရ ဟာ လိုင်စင်မဲ့ လက်လုပ်လက်စား ကျောက်ရှာသူတွေကို တင်း တင်းကျပ်ကျပ် ပိတ်ပင်ထားတဲ့ အချိန်ဖြစ်ပြီး တကယ်လို့ ကျောက်ခိုးတူးတာကို မိသွားရင် ထောင်ဒဏ် ခုနစ်နှစ်ကနေ ၁၅ နှစ်ထိ ကျနိုင်တာကြောင့် ရင်တထိတ်ထိတ်နဲ့ လုပ်စားခဲ့ရတာလို့ အသက်  ၆၀ အရွယ် ဦးအုန်းဖေက ဆိုတယ်။ တစ်ခါကဆိုရင် ဦးအုန်းဖေနဲ့  သူငယ်ချင်းငါးယောက် ကျောက်တူးနေတဲ့ နေရာကို ရဲတွေဝင်ဖမ်းပါတယ်။ ရဲတစ် ယောက်က ဦးအုန်းဖေရဲ့ အင်္ကျီကို လှမ်းဆွဲလိုက်တယ်။ သူက အင်္ကျီကို ခပ်မြန်မြန် […]

အပြည့်အစုံဖတ်ရန်
1 2 3 4 5 6 7 … 34

"Myanmar Observer Media Group [MOMG] was founded in 2011 with aims to deeply observe challenging issues of Myanmar, to strongly encourage policy change through in-depth and investigative stories, and to vastly improve journalism skills among local journalists through trainings and workshops. The first edition of Mawkun came out in August 2012 after the censorship board was abolished. The magazine is published in Myanmar Language and its normal size is around 120 pages."