လှိုင် Quarantine center(၁)ကို COVID-19 ကုသရေးဌာနအဖြစ်ပြောင်းလဲ

လှိုင် Quarantine center(၁)ကို COVID-19 ကုသရေးဌာနအဖြစ်ပြောင်းလဲ

စည်သူ
ရန်ကုန် – ၂၀၂၀ စက်တင်ဘာ ၁၇(မော်ကွန်း)

အတည်ပြုလူနာတွေများလာတာကြောင့် ရန်ကုန်မြို့၊ လှိုင်မြို့နယ်မှာရှိတဲ့ လှိုင် Quarantine center အမှတ် (၁)ကို COVID-19 ကုသရေးဌာနအဖြစ် ပြောင်းလဲလိုက်ပြီဖြစ်တယ်လို့ လှိုင်မြို့နယ် မဲဆန္ဒနယ်အမှတ်(၁) ကိုယ်စားလှယ် ဦးကျော်ကျော်ထွန်းက မော်ကွန်းကိုပြောပါတယ်။

” ဆေးရုံးမှာ တော်တော်လူတွေများလာလို့။ ဒီမှာ Positive လူနာတွေပဲထားတယ်။ အရေးတကြီးတော့ မဟုတ်ဘူးပေါ့။ ခံနိုင်ရည် ရှိသေးတယ်၊ စားနိူင် သောက်နိူင်သေးတယ်၊ အထူးကြပ်မတ်ဆောင်ကိုပို့စရာမလိုတဲ့ လူတွေကိုထားတာဖြစ်တယ်” လို့ ဦးကျော်ကျော်ထွန်းက ပြောပါတယ်။

လှိုင် Quarantine Center (၁)ထဲမှာရှိတဲ့ Gအဆောင်နဲ့ H အဆောင်တို့မှာ တစ်ခန်းကို လေးယောက်နှုန်းနဲ့ အတည်ပြုလူနာ ငါးရာ လာက်ထားနိုင်မှာ ဖြစ်တယ်လို့ သူက ပြောပါတယ်။

ကျန်းမာရေးနှင့်အားကစားဝန်ကြီးဌာနရဲ့ စက်တင်ဘာ ၁၆ ရက် စာရင်းတွေအရ ရန်ကုန်တိုင်းဒေသကြီးမှာ COVID-19 အတည်ပြုလူနာ ၂,၀၀၀ ကျော်ရှိပြီး လူနာ ၃၀၀ ကျော်နဲ့ ပိုးတွေ့သူ အများဆုံး ရှိနေတာက သင်္ဃန်းကျွန်းမြို့နယ်ဖြစ်ကာ လှိုင်မြို့နယ်မှတော့ ပိုးတွေ့ရှိသူ ၁၄၀ ကျော် ရှိတယ်လို့ ပြပါတယ်။ ဒီစာရင်းတွေထဲမှာ စက်တင်ဘာ ၁၆ ရက်ညနဲ့ ၁၇ နံနက်မှာ ထုတ်ပြန်ထား တဲ့ အတည်ပြုလူနာအရေအတွက်တွေ မပါသေးပါဘူး။

မြန်မာနိုင်ငံမှာ COVID -19 အတည်ပြုလူနာ ၃,၈၉၄ ဦးရှိပြီး သေဆုံးသူ ၄၆ ဦးနဲ့ ပြန်လည်သက်သာလာသူ ၉၀၈ ဦးရှိနေပြီဖြစ်ပါတယ်။

ပုံစာ: Hlaing Facilities Quarantine center
Photo:U Kyaw Kyaw tun Facebook


#Dailynews

အမျိုးအစား - သတင်း

"Myanmar Observer Media Group [MOMG] was founded in 2011 with aims to deeply observe challenging issues of Myanmar, to strongly encourage policy change through in-depth and investigative stories, and to vastly improve journalism skills among local journalists through trainings and workshops. The first edition of Mawkun came out in August 2012 after the censorship board was abolished. The magazine is published in Myanmar Language and its normal size is around 120 pages."