အာဏာသိမ်းစစ်တပ်က လက်နက်ကြီးရမ်းပစ်တာကြောင့် ပြည်သူ သုံးဦးထိမှန်ဒဏ်ရာရ

အာဏာသိမ်းစစ်တပ်က လက်နက်ကြီးရမ်းပစ်တာကြောင့် ပြည်သူ သုံးဦးထိမှန်ဒဏ်ရာရ

ဝက်လက် – ၂၀၂၂ ဩဂုတ် ၅ (မော်ကွန်း)

ဝက်လက်မြို့နယ်၊ အင်ဒေါင်းကျေးရွာမှာ ဒီကနေ့ မနက်ပိုင်း ၁၁:၃၀ နာရီဝန်းကျင်က အာဏာသိမ်းစစ်တပ်က လက်နက်ကြီးရမ်းသမ်းပစ်တာကြောင့် ​ပြည်သူ သုံးဦးထိခိုက်ဒဏ်ရာရခဲ့တယ်လို့ ဒေသပြည်သူ့ကာကွယ်ရေးတပ်ဖွဲ့ဆီကသိရပါတယ်။

စဥ့်ကူးမြို့နယ်၊ ထုံးကြီးကျေးရွာကနေ မော်တော်အကြီးတစ်စီး၊စက်လှေအသေးသုံးစီးနဲ့ စုန်ဆင်းလာတဲ့ စစ်သား အင်အား(၁ဝဝ)ဝန်းကျင်ခန့်ဟာ ဝက်လက်မြို့နယ်ငါးပါတ်ချောင်း၊ကမ်းဖြူ၊အင်ဒေါင်းကျေးရွာတွေကို လှည့်ပတ်မွှေနှောက်ကာ လက်နက်ကြီး၊ လက်နက်ငယ်တွေနဲ့ ရမ်းသမ်းပစ်ခတ်ခဲ့တာဖြစ်တယ်လို့ ဝက်လက်ပြည်သူ့ကာကွယ်ရေးတပ်ဖွဲ့၊ တာဝန်ရှိသူတစ်ဦးကပြောပါတယ်။

“ရမ်းပစ်ပြီးဝင်တာ အချောင်နေရင်း ပြည်သူတွေကထိတာ သူတို့ကိုလည်း ကျွန်တော်တို့အဖွဲ့ကဆေးကုပေးလိုက်ပါတယ်ဗျာ၊ စိုးရိမ်စရာတော့မရှိပါဘူး “လို့ တာဝန်ရှိသူက ပြောပါတယ်။

ပြည်သူ သုံးဦးဟာ ခြေထောက်တွေကိုပဲထိတာဖြစ်တာကြောင့် ဒဏ်ရာအခြေနေမစိုးရိမ်ရဘူးလို့ ပြောပါတယ်။

အာဏာသိမ်းစစ်တပ် စစ်သားတွေက ဝက်လက်မြို့နယ်ထဲကျေးရွာတွေကိုဝင်ရောက်တပ်စွဲတာမရှိပေမယ့် စဥ့်ကူးမြို့နယ် ကြက်တူရွေးကျေးရွာကိုဝင်ရောက်တပ်စွဲထားတာတယ်လို့ သူကပြောပါတယ်။


#Dailynews

အမျိုးအစား - သတင်း

"Myanmar Observer Media Group [MOMG] was founded in 2011 with aims to deeply observe challenging issues of Myanmar, to strongly encourage policy change through in-depth and investigative stories, and to vastly improve journalism skills among local journalists through trainings and workshops. The first edition of Mawkun came out in August 2012 after the censorship board was abolished. The magazine is published in Myanmar Language and its normal size is around 120 pages."