၂ဝ၁၈၊ နိုဝင်ဘာလထုတ် မော်ကွန်းမဂ္ဂဇင်း အမှတ်(၅၉)မှ သတင်းဆောင်းပါး ဖြစ်ပါသည်။
စကြာတောင်ခြေက ဆံရစ်ဝိုင်းကျေးရွာ
Photo-Than Naing Oo
မန္တလေးတိုင်းဒေသကြီး နွားထိုးကြီးမြို့နယ်အတွင်းက ခံစပ်ကုန်းကျေးရွာဟာ ဆံရစ် ဝိုင်းလေးတွေကြောင့် ထင်ရှားတယ်။ ဓာတ်ပုံဆရာတွေ၊ ရုပ်သံမှတ်တမ်းရိုက်လိုသူတွေ၊ သတင်းစာဆရာတွေ ခံစပ်ကုန်းရွာကို အရောက်သွားပြီး ဆံရစ်ဝိုင်းတွေကို မှတ်တမ်း တင်ကြတယ်။ အညာဒေသမှာ ဆံရစ်ဝိုင်းရှိတဲ့ ရွာတွေ ရှိနေသေးတယ်။ ပုဂံဒေသက စက်စက်ယိုကျေးရွာ၊ မြင်းခြံနယ်ထဲက ရ ်္တပို၊ နွားထိုးကြီးနယ်ထဲက ခံစပ်ကုန်းရွာတွေက ဆံ ရစ်ဝိုင်းလေးတွေကြောင့် ထင်ရှားတယ်။ 7DAY ဂျာနယ်က ကိုညီညီဇော်ကလည်း ခံစပ်ကုန်းရွာက ဆံရစ်ဝိုင်းတွေအကြောင်း မကြာသေးခင်ကမှ ရေးသားထားတယ်။ အောက်တိုဘာလဆန်း မှာ နွားထိုးကြီးမြို့နယ်အတွင်းက ဆံရစ်ဝိုင်းတွေ ရှိတဲ့ ခံစပ်ကုန်း ရွာကို မ်္တလေးသတင်းစာသင်တန်းကျောင်း (ြဲှ) တာဝန်ခံ ကိုစန်းယု၊ 7DAY ဂျာနယ်က ကိုညီညီဇော်တို့နဲ့အတူ သွားရောက်ခဲ့ကြတယ်။
ခံစပ်ကုန်းရွာက နွားထိုးကြီးမြို့နယ်အတွင်း မ်္တလေး-မြင်း ခြံကားလမ်းနံဘေး သာယာကုန်းရွာက တစ်ဆင့် အတွင်းကို ဝင် သွားရတာပါ။ သာယာကုန်းရွာက လမ်းနံဘေးရွာ ဖြစ်လို့ စည် စည်ကားကား ရှိတယ်။ မြင်းခြံမြို့နဲ့ ၁၅ မိုင်အကွာမှာ ရှိတယ်။ သာယာကုန်းရွာလယ် အုတ်မုခ်ဦးကြီးအတိုင်း လေးမိုင်လောက် အတွင်းကို ဝင်လိုက်ရင် မင်းရွာကို ရောက်ပါတယ်။ မင်းရွာထိပ် မှာလည်း အုတ်မုခ်ဦးကြီး ရှိပါတယ်။ အရင်ခေတ်ကတော့ နွားထိုး ကြီး၊ မြင်းခြံ၊ တောင်သာ စတဲ့ နယ်တကြောက ရွာတွေမှာ ပြည် ခိုင်ဖြိုးရွာ ဆိုတဲ့ ဆိုင်းဘုတ်တွေ ထူခဲ့ကြရပေမယ့် အခုတော့ အဲဒီ ဆိုင်းဘုတ်တွေလည်း သင်္ခါရသဘောကို မလွန်ဆန်နိုင်ဘဲ ပြိုကျ ပျက်စီးကုန်ပါပြီ။ မင်းရွာအဝင်မှာ မ်္တလေး-မြင်းခြံ-ပုဂံ ရထား လမ်း ဖြတ်သန်းသွားတယ်။
မင်းရွာက အတွင်းကျပေမယ့် အထကကျောင်း ရှိတယ်။ မင်းရွာမှာ အိမ်ကြီးအိမ်ကောင်းတွေ ပေါတယ်။ မင်းရွာက နှစ်မိုင် လောက် ဆက်သွားရင် ခံစပ်ကုန်းရွာကို ရောက်ပါပြီ။ သာယာ ကုန်းရွာကနေ ခံစပ်ကုန်းရွာ မရောက်ခင် လမ်းမှာ တံတားနှစ် စင်း ဖြတ်ကြရတယ်။ ပထမဆုံးတံတားက ကွန်ကရစ်တံတား ဖြစ် ပြီး ပေ ၂၀ လောက် ရှည်တယ်။ တံတားနာမည်ကို ဦးကြိုင်တံ တားလို့ အမည်ပေးထားတယ်။ နောက်တံတားတစ်စင်းက ၁၅ ပေလောက် ရှည်ပြီး အမည်ပေးမထားပါဘူး။
ခံစပ်ကုန်းရွာက ရွာကြီးတစ်ရွာ ဖြစ်ပြီး ခံစပ်ကုန်း အနောက်ရွာနဲ့ ခံစပ်ကုန်း အရှေ့ ရွာဆိုပြီး နှစ်ရွာ ရှိတယ်။ အနောက်ရွာ၊ အရှေ့ ရွာ ခွဲခြားထားပေမယ့် တစ်ရွာနဲ့ တစ်ရွာ ဆက်နေတယ်။ ခံစပ်ကုန်းရွာအနီးမှာ စကြာတောင်ကြီးက ဟည်းထနေတယ်။ စကြာတောင်ခြေမှာလည်း ခံစပ်ကုန်းရွာသူ ရွာသားတွေ နေထိုင်ကြပါသတဲ့။ စိမ်းစိုညို့ မှိုင်းနေတဲ့ စကြာ တောင်က အညာဒေသရဲ့ အိုအေစစ်သဖွယ်ပါပဲ။ စကြာတောင် ခြေမှာ ထန်းတောကြီးက ညို့ မှိုင်းနေပြီး တောင်ခြေမှာ စကြာ အရှေ့ ရွာသူရွာသားတွေ အိမ်ကြီးရခိုင်နဲ့ နေထိုင်ကြတာ ရှိတယ်။ ရေတွင်းရေကန်တွေ၊ ကျောင်းသင်္ခမ်းတွေ၊ ဘုရားစေတီတွေနဲ့မို့ စကြာတောင်ခြေက ပျော်မွေ့ ဖွယ်အရပ်။ ပတိရူပဒေသဝါတောစ လို့ ဆိုနိုင်တယ်။ ပေ ၇၀၀ ကျော် မြင့်မားပြီး တောင်ထိပ်မှာ စေ တီတစ်ဆူ တည်ထားတယ်။ စကြာတောင်တက်လမ်းက အုတ် လှေကားတွေ လုပ်ပေးထားပေမယ့် အတက်အနည်းငယ် မက် စောက်ပါတယ်။
ကျွန်တော်တို့ ခံစပ်ကုန်းရွာကို ရောက်ချိန်က မိုးရွာပြီးစ အချိန်ဖြစ်လို့ ပတ်ဝန်းကျင်တစ်ခွင်လုံး စိမ်းစိုအေးမြနေတယ်။ ခံစပ်ကုန်းရွာ တည်ထားတာက တောင်ကြောပေါ်မှာ တည် ထားတာ ဖြစ်လို့ မြေပြင်ညီ ဖြစ်မနေဘူး။ နွားထိုးကြီးနယ်ထဲက ခံစပ်ကုန်းရွာလေးက ဟောလိဝုဒ် ကောင်းဘွိုင် ရုပ်ရှင်ကားတွေ ထဲက နီဗားဒါးပြည်နယ်လိုပဲ ကျောက်စရစ်၊ ကျောက်တုံးတွေ၊ မြေနီတွေနဲ့ က်္တာရဆန်ဆန် လှပနေတယ်။ ခံစပ်ကုန်းက အညာ ရွာ ဖြစ်လို့ ကျောက်ချပ်တွေ၊ လျှိုတွေ၊ ကုန်းကမူမို့မို့လေးတွေ ရှိ တယ်။ ရွာလမ်းတွေက မညီညာဘူး။ ခံစပ်ကုန်းရွာအဝင်မှာ အလယ်တန်းကျောင်း ရှိပြီး အုတ်တံတိုင်းနိမ့်နိမ့် ကာရံ ထားတယ်။
ကျောင်းရှေ့က မြေလမ်းလေးက မိုးရေတွေ တိုက်စားထား လို့ မညီမညာ ဖြစ်နေတယ်။ အပြည်ပြည်ဆိုင်ရာ ကြက်ခြေနီ အသင်းနဲ့ မြန်မာနိုင်ငံ ကြက်ခြေနီအသင်းတို့ လှူဒါန်းထားတဲ့ အုတ်ရေကန်ကြီး ရှိပါတယ်။ အလျား ၁၅ ပေ၊ အနံ ၁၀ ပေ၊ အမြင့် ၁၀ ပေလောက် ရှိတဲ့ အုတ်ရေကန်ကြီး ဖြစ်ပြီး အဲဒီ အုတ်ရေကန် က တစ်ဆင့် ရွာထဲက အိမ်တွေကို ရေမီတာနဲ့ သောက်သုံးရေ ဖြန့် ဝေပေးနေတာပါ။ ရေမီတာခက တစ်အိမ်ထောင်ကို တစ်လ ကျပ် ၁,၀၀၀ ဝန်းကျင် ကုန်ကျပြီး ရွာသူရွာသား အများစုက အဲဒီရေကို သောက်ရေအတွက်သာ သုံးစွဲကြပါသတဲ့။ ရေပိုက်သွယ်တန်းခနဲ့ ရေပိုက်ဖိုးတွေကိုတော့ အိမ်ရှင်တွေက ကျခံကြရတယ်။
Photo-Than Naing Oo
ခံစပ်ကုန်းက အညာကုန်းခေါင်ခေါင်ရွာ ဖြစ်ပေမယ့် လျှပ် စစ်မီး ထိန်ထိန်ညီးနေပါပြီ။ ပီအက်စ်အိုင် နှစ်ပေစလောင်းတွေ လည်း တပ်ဆင်ထားကြတယ်။ အိမ်ဆိုင်တွေ၊ ဆိုင်ကယ်ဝပ်ရှော့ တွေနဲ့မို့ စည်စည်ကားကား သိုက်သိုက်ဝန်းဝန်း ရှိတယ်။ ကျွန် တော်တို့အဖွဲ့ ခံစပ်ကုန်းရွာ ရောက်တော့ ရွာခံတစ်ယောက်က ဆံရစ်ဝိုင်းရှိရာအိမ်ကို လိုက်ပို့တယ်။ ပထမဆုံး စတွေ့တဲ့ ဆံ တောက်ဆံပင်နဲ့ အမျိုးသမီးလေးက အိမ်ရှေ့ အဖီအောက်မှာ ဆေးလိပ်လိပ်နေတယ်။ သူ့နာမည်က မနုနုဝေတဲ့။ မနုနုဝေရဲ့ ဖခင်က မ်္တလေးမြောက်ဘက် မတ်္တရာဇာတိဖြစ်ပြီး မိခင်က ခံစပ်ကုန်းရွာသူပါ။ မနုနုဝေနဲ့ စကားစမြည် ပြောပြီး ခံစပ်ကုန်းရွာ ထဲက ဦးရဲမာတို့အိမ် သွားခဲ့ကြတယ်။ ဦးရဲမာတို့ အိမ်မှာလည်း ဆံတောက်နဲ့ အမျိုးသမီးငယ်လေးတစ်ယောက် ဆေးလိပ်လိပ် နေတယ်။ ကျွန်တော်တို့က ဆံရစ်ဝိုင်းတွေအကြောင်း ရေးဖို့ ရောက်လာတာဆိုတော့ ဆံရစ်ဝိုင်းထားတဲ့သူတွေကို ဦးရဲမာ ကိုယ်တိုင် ဖုန်းဆက်ခေါ်ပေးတယ်။ ဦးရဲမာတို့ အိမ်ရှေ့က ခုံတန်း လျားမှာ ထိုင်ရင်း ရပ်အကြောင်းရွာအကြောင်း စကားစမြည် ပြောဖြစ်ကြတယ်။ အသားညိုညို၊ စွပ်ကျယ်လက်ပြတ်ဝတ်ထား တဲ့ ဦးရဲမာရဲ့ ပုံစံက ပီဘိ အညာသားရုပ်။ စကားပလ်္လင် မခံဘဲ ဟောဟောဒိုင်းဒိုင်း ပြောလေ့ရှိတယ်။ ပဲစင်းငုံတွေ ဈေးကောင်း မရတဲ့အကြောင်း၊ ဒါပေမဲ့ ဒီနှစ် ပဲစင်းငုံတွေ မျှော်လင့်ချက် ရှိ ကြောင်း၊ ဒီဒေသက ကုန်းခေါင်ခေါင်ဒေသ ဖြစ်လို့ ဆန်စပါး စိုက် မရကြောင်း၊ စကြာတောင်ဘုရားပွဲ အလွန်စည်ကားတဲ့ အကြောင်း၊ ဇာတ်ပွဲထည့်ရင်လည်း နာမည်ကျော် အဆိုတော် တွေ၊ မင်းသမီးတွေ ပါမှ ရွာက လူငယ်တွေက ကြိုက်ကြကြောင်း၊ ဘယ်လောက် နာမည်ကြီးဇာတ် ဖြစ်ပါစေ၊ နာမည်ကျော် မင်း သား၊ မင်းသမီး၊ အဆိုတော်တွေ မပါရင် ရွာက လူငယ်တွေက မကြိုက်ကြကြောင်းစတဲ့ အကြောင်းတွေ စကားဖောင်ဖွဲ့ဖြစ်ကြတယ်။
Photo-Than Naing Oo ခံစပ်ကုန်းရွာဘုန်းကြီးကျောင်းက ဥပုသ်စောင့်ပြန်လာတဲ့ အဘွားအို
ဦးရဲမာတို့အိမ်က မြေစိုက် ထရံကာ၊ သွပ်မိုး အဆောက် အအုံဖြစ်ပြီး သန့်ရှင်းသပ်ရပ်တယ်။ ထရံမှာ စကြာတောင် ဘုရား ပွဲတုန်းက ကခဲ့တဲ့ ဇာတ်ပွဲကြော်ငြာ ကပ်ထားတယ်။ ဆံရစ်ဝိုင်း အမျိုးသမီးငယ်လေးတွေရဲ့ ဓာတ်ပုံကို ပလတ်စတစ် လောင်းပြီး ကပ်ထားတယ်။ ဓာတ်ပုံတွေက ၈ လက်မ x ၁၀ လက်မ အရွယ် ရောင်စုံဓာတ်ပုံလေးတွေ။ ရေခပ်ဆင်းနေတဲ့ပုံ၊ ကစားနေတဲ့ပုံ၊ ကြိုးခုန်နေတဲ့ ပုံတွေ ဖြစ်ပြီး ကျေးလက်သဘာဝအလှ ပေါ်လွင်လှ တယ်။ ဓာတ်ပုံဆရာတစ်ယောက်က ဆံရစ်ဝိုင်းတွေ ရှိရာ ခံစပ် ကုန်းရွာမှာ လာရိုက်ပြီး ပြိုင်ပွဲဝင်ထားတဲ့ ပုံတွေပါ။ ပရော်ဖက်ရှင် နယ် ဓာတ်ပုံဆရာရဲ့ လက်ရာတွေ ဖြစ်လို့ ဓာတ်ပုံတွေက အသက် ဝင်ပြီး သဘာဝကျကျ လှပနေတယ်။ ဦးရဲမာရဲ့ ဇနီးဖြစ်သူက ကျွန် တော်တို့ကို ရေနွေကြမ်းငါးမုန့်ကြော်တွေနဲ့ ဧည့်ခံတယ်။ သူကိုယ် တိုင်က ကျွန်တော်တို့နဲ့ ခပ်လှမ်းလှမ်းမှာ ရပ်နေပေမယ့် ကျွန် တော်တို့စကားဝိုင်းမှာ တစ်ခါတစ်ရံ ဝင်ပြောတယ်။ ကျွန်တော် တို့က အတူလာထိုင်ဖို့ ပြောပေမယ့် ခပ်လှမ်းလှမ်းမှာပဲ ရပ်မြဲ ရပ် နေတယ်။
ကျွန်တော်တို့ စကားကောင်းနေတုန်းမှာပဲ ခြံဝင်းထဲကို ဆံတောက်နဲ့ အမျိုးသမီးငယ်နှစ်ယောက် ဝင်လာတယ်။ သူတို့ နှစ်ယောက်က ဦးရဲမာနဲ့ ဆွေမျိုးသားချင်း တော်စပ်ကြသူတွေပါ။ ဆံတောက်နဲ့ အမျိုးသမီးငယ်လေးတွေကို ကျွန်တော်တို့နဲ့ မျက် နှာချင်းဆိုင် ခုံတန်းလျားမှာ ထိုင်ခိုင်းလိုက်တယ်။ သူတို့လေးတွေ က မအိမွန်၊ မလဲ့မွန်မြင့်၊ မအိဖြူစိုးတို့ ဖြစ်ကြတယ်။ မအိမွန်က ရှစ်တန်းကို ရွာကျောင်းမှာ တက်နေသူ ဖြစ်တယ်။ အထက်တန်း ရောက်တဲ့အခါ မင်းရွာ သွားတက်ကြသူတွေရှိသလို မြင်းခြံ ကျောင်း သွားတက်ကြသူတွေလည်း ရှိတယ်။ ငွေကြေးတတ်နိုင် သူတွေကတော့ မြို့ပေါ်ကကိုယ်ပိုင်ကျောင်းတွေမှာ သွားတက် ကြပါသတဲ့။ ကိုယ်ပိုင်ကျောင်းကြော်ငြာ ဗီနိုင်းတွေလည်း ရွာထဲ က အိမ်တချို့မှာ ချိတ်ဆွဲထားတာ တွေ့ ခဲ့ရတယ်။
ဆံရစ်ဝိုင်းထားသူ ခံစပ်ကုန်းရွာသူလေးတွေနဲ့ ဦးရဲမာတို့ အိမ်မှာ စကားဝိုင်းဖွဲ့ ဖြစ်ကြတယ်။ ဆံရစ်ဝိုင်းထားတာကို မိဘ တွေ၊ ဆရာသမားတွေကလည်း အားပေးကြပြီး ဆရာတော်ကိုယ် တိုင်ကလည်း ဆံရစ်ဝိုင်းထားဖို့ တိုက်တွန်းထားတယ်။ ရွာ ကျောင်းမှာလည်း ဆံရစ်ဝိုင်းထားကြသူတွေ ရှိတယ်။ မူလတန်း ကလေးအရွယ်တွေက ဆံရစ်ဝိုင်းထားကြပြီး အလယ်တန်းအရွယ် လောက် ရောက်လာရင် အုပ်လုံးသိမ်းပြီး ဆံတောက်ထားကြ တယ်။ ခံစပ်ကုန်းရွာမှာ ရှိတဲ့ အမျိုးသမီးငယ်တွေ အားလုံးတော့ ဆံရစ်ဝိုင်းတွေ၊ ဆံတောက်တွေ မထားကြပါဘူး။ ဆံရစ်ဝိုင်းကို ငယ်စဉ်အခါက ထားကြပေမယ့် ဆယ်ကျော်သက်အရွယ် ရောက် လာတဲ့အခါ နားအောက်ကနေ ရှေ့ဘက်ကို ကွေးထွက်လာတယ်။ အဲဒီအခါ ဆံရစ်ဝိုင်း မထားတော့ဘဲ အုပ်လုံးသိမ်းပြီး ဆံတောက် ပြောင်းထားကြတယ်။
ခံစပ်ကုန်းရွာမှာ ရိုးရိုးဆံပင်ပုံစံ ထားကြတဲ့ အမျိုးသမီး ငယ်တွေလည်း ရှိတယ်။ မြန်မာ့ယဉ်ကျေးမှုကို ထိန်းသိမ်းချင်လို့ ဆံရစ်ဝိုင်းတွေ၊ ဆံတောက်တွေ ထားနေကြတာလို့ သူတို့က ပြော တယ်။ ဆံတောက်ထားကြသူတွေဟာ ဆံပင်ခေါင်းလျှော်ရင် အချိန် သုံးနာရီလောက် ပေးကြရတယ်။ ဆံပင်လျှော်တဲ့အခါမှာ တော့ ရိုးရိုးခေါင်းလျှော်ရည်ကိုသာ အသုံးပြုကြပါသတဲ့။
Photo-Than Naing Oo ခံစပ်ကုန်းရွာနဲ့စကြာတောင်
ခံစပ်ကုန်းရွာသူ အမျိုးသမီးငယ်တွေရဲ့ ရိုးရာယဉ်ကျေးမှု ဆံပင်ပုံစံကြောင့် အနီးအနားဝန်းကျင်က ရွာတွေ အလှူလှည့် ရှိတဲ့အခါ အလှူလှည့်မှာ ပါဝင်ဖို့ ဖိတ်ကြားခံရတာတွေ ရှိတယ်။ သိပ်မရင်းနှီးတဲ့အခါ သမီးငယ်ကို သူစိမ်းတွေကြား ထည့်လွှတ်ရ မှာမို့ ငြင်းပယ်ခဲ့ရတာတွေလည်း လုပ်ကြရတယ်။ မငြင်းသာလွန်း တဲ့အခါမှာတော့ မိဘအုပ်ထိန်းသူတွေကိုယ်တိုင် လိုက်ပါစောင့် ရှောက်ရတဲ့အခါတွေလည်း ရှိတာပါပဲ။ အဲဒီလို ဖိတ်ကြားတဲ့အခါ အိမ်တိုင်ရာရောက် ကားနဲ့ လာခေါ်ကြပြီး အလှူလှည့်အတွက် အဝတ်အစားနဲ့ ဖိတ်ကြားကြတာပါ။ ကိုယ့်အလှူမှာ မြန်မာ့ရိုးရာ ယဉ်ကျေးမှု ဆံပင်ပုံစံလေးတွေနဲ့ အလှူလှည့်ရတာကို အလှူရှင် တွေက ဂုဏ်ယူကြတယ်။ မ်္တလေး၊ မိတ်္ထီလာ၊ မြင်းခြံ စတဲ့ မြို့ကြီး တွေက အလှူပွဲတွေအထိ ခံစပ်ကုန်းရွာသူ ဆံရစ်ဝိုင်းအမျိုးသမီး တွေ မျက်နှာပန်းပွင့်ကြတယ်။
ခံစပ်ကုန်းရွာသူရွာသားတွေရဲ့ အဓိက စီးပွားရေးက တောင်သူလုပ်ငန်းကို အဓိကထား လုပ်ကိုင်ကြတယ်။ ဘွဲ့ရ အမျိုး သမီးတွေက ရွာမှာပဲ ကျောင်းဆရာမ ပြန်လုပ်ကြတာ ရှိတယ်။ အရင်က ရက်ကန်းလုပ်ငန်း လုပ်ကိုင်ကြသူတွေ ရှိပေမယ့် ဒီဘက် သုံးလေးငါးနှစ်အတွင်း ရက်ကန်းခတ်သူ မရှိသလောက် ရှား တယ်။ ကုမ်္ပဏီတွေမှာ ဝင်ရောက်လုပ်ကိုင်ကြသူတွေလည်း မရှိ သလောက်ပါပဲ။ ဦးရဲမာရဲ့ ဇနီးဖြစ်သူကိုယ်တိုင် ရက်ကန်းခတ်ခဲ့ ပေမယ့် သမီးတွေ၊ တူမတွေ ခေတ်မှာတော့ ရက်ကန်းခတ်သူ မရှိ တော့ပါဘူး။ အမျိုးသမီးငယ်တွေကတော့ လုပ်ငန်းနားရင်ဖြစ်စေ၊ ကျောင်းမတက်တော့ရင်ဖြစ်စေ အိမ်မှာပဲ အိုးမကွာအိမ်မကွာ ဆေးလိပ်လိပ်ကြတော့တယ်။ ခံစပ်ကုန်းရွာက အမျိုးသားတွေ အားလုံးကတော့ ဘိုကေတိုတိုနဲ့ပါပဲ။ အမျိုးသမီးတွေက ရိုးရာပုံ ထားပြီး အမျိုးသားတွေက ဘာကြောင့် ဘိုကေညှပ်ကြတာလဲလို့ ကျွန်တော် မေးခွန်းထုတ်တယ်။ ကျွန်တော့်အဘိုးတွေ၊ ကျွန်တော့် အဘေးတွေ လက်ထက်ကတော့ သျှောင်ထုံးတွေ ထားကြတာ ပေါ့။ ကျွန်တော်တို့လက်ထက်မှာတော့ ဘိုကေတွေ ဖြစ်ကုန်တော့ တာပဲလို့ အိမ်ရှင် ဦးရဲမာက ရယ်ရယ်မောမော ပြောတယ်။
ကျွန်တော်တို့ စကားဝိုင်းကို ကိုညီက နေရာစုံက ဓာတ်ပုံ မှတ်တမ်းတင်တယ်။ ကိုစန်းယုနဲ့ ကျွန်တော် မေးသမျှကို ရွာခံ တွေက မမောမပန်း ဖြေကြတယ်။ တကယ်တော့ ကြိုတင် အကြောင်းကြားပြီးမှ လာရင် ဆံရစ်ဝိုင်းတွေ များများစားစား တွေ့ရနိုင်ကြောင်း အိမ်ရှင် ဦးရဲမာက အားနာစကား ဆိုတယ်။ ကျွန်တော်တို့ကလည်း သိချင်တာတွေ အချိန်ပေး ဖြေကြားပေး လို့ ကျေးဇူးတင်ကြောင်း ပြောဖြစ်တယ်။ ကျွန်တော်တို့ စကား ဝိုင်း သိမ်းတော့ စနေထောင့်က မိုးတွေ ညို့တက်လာတယ်။ အိမ် ရှင် ဦးရဲမာက ကျွန်တော်တို့ကို ရွာလယ်အထိ လိုက်ပို့ပေးတယ်။ ရွာက ထွက်တော့ မိုးတွေက ရေအိုးသွန်ချလိုက်သလို တဝေါဝေါ ရွာချတယ်။ မိုးမျှော်နေတဲ့ တောင်သူတွေအဖို့ တော်သလင်းမိုးက ရွှေမိုး ငွေမိုး ရတနာမိုး ရွာသွန်းဖြိုးလိုက်တာပါပဲ။
ခံစပ်ကုန်းရွာ သွားရတဲ့ ခရီးက ပျော်စရာကောင်းလှ တယ်။ အထူးသဖြင့် စိတ်တူကိုယ်တူ မိတ်ဆွေတွေနဲ့ ထွေရာလေး ပါးပြောရင်း သွားရတဲ့ ခရီးဖြစ်လို့ ပိုပြီး ပျော်စရာကောင်းတယ်။ မိတ်ဆွေတို့လည်း အချိန်အားရတဲ့အခါ ခရီးတိုရှည်တွေ ထွက်ပြီး စိတ်လက်အပန်းဖြေကြပါ။ ခရီးထွက်ခြင်းက မိတ်ဆွေတို့ကို စိတ်သစ်လူသစ် ဖြစ်စေပါတယ်။
#MawKunMagazine
ဆက်သွယ်မှာယူနိုင်စေရန်…….
OFFICE : No.121, 4th Floor, Corner or 49 Street and Anawrahta Street, Pazundaung Township, Yangon, Myanmar.
: 0931340239
: 09791663065
website: www.mawkun.com
facebook: @mawkunmagazine
mawkun.chronicle@gmail.com
