၂ဝ၁၉၊ မေလထုတ် မော်ကွန်းမဂ္ဂဇင်း အမှတ်(၆၅)မှ PhotoEssay ဖြစ်ပါသည်။
“ဝ”ဒေသ ငြိမ်းချမ်းရေးတည်ဆောက်မှု နှစ် ၃ဝ ပြည့်အခမ်း အနားကို “ဝ” ပြည်သွေးစည်းညီညွတ်ရေးပါတီ (United Wa
State Party -UWSP)
အခြေစိုက်ရာ ရှမ်းပြည်နယ် အရှေ့ မြောက်ပိုင်း၊ ပန်ဆန်းမြို့မှာ ဧပြီ ၁၅ ရက်က နေ ၁၇ ရက်အထိ ကျင်းပခဲ့ပုံတွေကို
ယခုလအတွက် ဓာတ်ပုံမှတ်တမ်းအဖြစ် ဖော်ပြလိုက်ပါတယ်။

UWSAဟာ ငြိမ်းချမ်းရေးတည်ဆောက်မှုနှစ် ၃၀ ပြည့်အခမ်းအနားမှာ စစ်ရေးပြအခမ်းအနားကိုပါ ထည့်သွင်းပြသခဲ့ပါတယ်

စစ်သည်၈ဝဝဝ ခန့်ပါဝင်ပြသခဲ့တဲ့ စစ်ရေးပြမှုမှာတော့ လေးပုံတစ်ပုံလောက်ဟာ ငယ်ရွယ်တဲ့ အမျိုးသမီးစစ်သည်တွေပါ

UWSA ဟာဝဒေသလုံခြုံရေးအတွက် စစ်အင်အားကို တိုးချဲ့ထားရတယ်လို့ဆိုပါတယ်

UWSA စစ်သေနာပတိချုပ် ဦးပေါက်ယူချန်းဟာ စစ်ကြောင်းနဲ့ပြည်သူတွေကို လိုက်လံနှုတ်ဆက်ခဲ့ပါတယ်

အခမ်းအနားမှာတော့ UWSA ဟာအင်အား တိုးချဲ့ထားတဲ့ ခေတ်မီစစ်လက်နက်တွေကိုပါ ထည့်သွင်းပြသခဲ့ပါတယ်

အခမ်းအနားကို ဝ ပြည်သူ့ခန်းမနဲ့ ငြိမ်းချမ်းရေးကွင်းပြင်မှာ ကျင်းပခဲ့ပါတယ်

စစ်မှုမထမ်းမနေရ ဥပဒေကြောင့် လက်ရှိအင်အားအပြင်အရန်စစ်သည် နှစ်သောင်းရှိတယ်လို့ ဆိုပါတယ်

စစ်ယူနီဖောင်းဝတ် တပ်သားတွေအပြင် ဒေသခံ ၈၇ဝဝ လောက်စီတန်းတက်ရောက်ခဲ့ပါတယ်

အမျိုးသမီးငယ်တွေက စစ်သူနာပြုနဲ့ဆက်သွယ်ရေးတပ်ဖွဲ့တွေမှာ ပိုမိုပါဝင်ထမ်းဆောင်ကြပါတယ်

အခမ်းအနားနဲ့စစ်ကြောင်းချီတက်ရာမှာတော့ မြန်မာနိုင်ငံနဲ့ UWSA အလံကို ပူးတွဲသယ်ဆောင်ခဲ့ကြပါတယ်
Office : 
မော်ကွန်းမဂ္ဂဇင်း
အမှတ်(၁၂၁)၊တတိယထပ်၊ အနော်ရထာလမ်းနှင့် ၄၉ လမ်းထောင့်၊
ပုဇွနေ်တာင်မြို့နယ် ရန်ကုန်မြို့။
ဖုန်း- ဝ၉၃၁၃၄ဝ၂၃၉ ၊ ဝ၉၇၉ ၁၆၆၃ဝ၆၅ ။
Website: http://www.mawkun.com
E-mail: mawkunmagazine@gmail.com

