မိုးကုတ် – ၂၀၂၁ နိုဝင်ဘာ ၈ (မော်ကွန်း)
မန္တလေးတိုင်း မိုးကုတ်မြို့က သပိတ်ခေါင်းဆောင် ဥဦးစိုးဋ္ဌေးရဲ့သားဖြစ်သူ ဖမ်းဆီးခံထားရတာ တစ်လကျော်ကြာမြင့်လာပြီး မိသားစုနဲ့ အဆက်အသွယ်ပြတ်တောက်နေပါတယ်။
ဖခင်ဖြစ်သူ ဦးစိုးဌေးက “သေပြီဆိုပြီးသတင်းတွေ တက်လာတာတော့ တွေ့တယ်။ ဒါပေမဲ့ အတည်ပြုလို့ရမယ့် တိကျတဲ့ သတင်းမရဘူး။ ဖမ်းသွားကတည်းက ဘာသတင်းမှမရတာ။ ခုလည်း သတင်းအဖုံးခံထားရတယ် “လို့ ဆိုပါတယ်။
ဦးစိုးဋ္ဌေးရဲ့သား ကိုဥက္ကာစိုး အပါအဝင် လူငယ် ကိုးဦးကို စစ်ကောင်စီက Mogok Delivery to Home ရုံးမှာ စက်တင်ဘာ ၂၉ ရက်နေ့ မနက်က ဝင်ရောက်ဖမ်းဆီးသွားခဲ့တာဖြစ်ပါတယ်။
ကိုဥက္ကာစိုးနဲ့ အတူအဖမ်းခံရတဲ့သူတွေလည်း အဆက်အသွယ်ပြတ်တောက်နိုင်တယ်လို့ နီးစပ်သူတွေက ဆိုကြပါတယ်။
ဒါပေမဲ့ သူတို့ရဲ့ မိသားစုတွေကတော့ ကြောက်လန့်မှုတွေကြောင့် ဖွင့်ဟဖို့ ခက်ခဲနေတယ်လို့ သတင်းရင်းမြစ်က ဆိုပါတယ်။
#Dailynews

