ကုန်ဈေးနှုန်းကြီးမြင့်လာတဲ့အခြေအနေနဲ့ ကိုက်ညီတဲ့ လုပ်ခလစာနှုန်းထားအား ပြင်ဆင်ပေးရန် လှိုင်သာယာအလုပ်သမားများတောင်းဆို

ကုန်ဈေးနှုန်းကြီးမြင့်လာတဲ့အခြေအနေနဲ့ ကိုက်ညီတဲ့ လုပ်ခလစာနှုန်းထားအား ပြင်ဆင်ပေးရန် လှိုင်သာယာအလုပ်သမားများတောင်းဆို

ဂေထော၊ ရန်ကုန်၊ ဇန်နဝါရီ ၁၉

ကုန်ဈေးနှုန်းတွေ၊ စားဝတ်နေရေးစရိတ်တွေ မြင့်တာလာမှုတွေနဲ့ အဆင်ပြေစေမယ့် နှုန်းထားတစ်ခုကို အစိုးရဘက်က သတ်မှတ်ပေးရမယ့် လုပ်ခလစာမှာ ပြင်ဆင်ပေးဖို့ ရန်ကုန်တိုင်း၊ လှိုင်သာယာမြို့နယ်က အလုပ်သမားတွေက ဒီနေ့မှာ ဆန္ဒပြတောင်းဆိုလိုက်ကြပါတယ်။

“၂၀၂၀ မေလတွင် လုပ်ခနှုန်းထားအသစ် သတ်မှတ်ပေးရေး ဒို့အရေး၊ ခေတ်ကာလနှင့်အညီ ဖူလုံသော လုပ်ခလစာရရှိရေး ဒို့အရေး၊ စားဝတ်နေရေးစရိတ်ကြီးမြင့်မှု အစိုးရမှထိန်းချုပ်ပေးရေး ဒို့အရေး” စတဲ့ကြွေးကြော်သံတို့ဖြင့် ဆန္ဒထုတ်ဖော်ခဲ့ကြပါတယ်။

၂၀၁၈ ခုနှစ် မေလမှာ အစိုးရဘက်က အနည်းဆုံးအခကြေးငွေ တစ်ရက်အတွက် ၄၈၀၀ ကျပ်ပေးဖို့ အနည်းဆုံးအခကြေးငွေဥပဒေအရ သတ်မှတ်ခဲ့ပါတယ်။

အဲ့ဒီဥပဒေမှာလည်း လုပ်ခနှုန်းထားကို နှစ်နှစ်လျှင် အနည်းဆုံးတစ်ကြိမ် ပြင်ဆင်သတ်မှတ်ရမယ်လို့ ဥပဒေမှာပါရှိပါတယ်။

ဒါကြောင့် ဥပဒေအရ ၂၀၂၀ မေလမှာ အစိုးရကနေ အနည်းဆုံးအခကြေးငွေနှုန်းထားအသစ်ထုတ်ပြန်ရမှာဖြစ်တယ်လို့ “ဖူလုံသောလုပ်ခလစာရရှိရေး ဆန္ဒထုတ်ဖော်ပွဲ” ကထုတ်ပြန်ထားပါတယ်။

သတင်းဓါတ်ပုံ – ဂေထော


#dailynews


အမျိုးအစား - သတင်း

"Myanmar Observer Media Group [MOMG] was founded in 2011 with aims to deeply observe challenging issues of Myanmar, to strongly encourage policy change through in-depth and investigative stories, and to vastly improve journalism skills among local journalists through trainings and workshops. The first edition of Mawkun came out in August 2012 after the censorship board was abolished. The magazine is published in Myanmar Language and its normal size is around 120 pages."