e-government လုပ်ငန်းများ တိုးမြှင့်ဆောက်ရွက်နိုင်ရေး သြစတြီးယားဘဏ်တစ်ခုထံမှ ယူရိုငါးသန်းကျော် ရယူရန် ပြည်ထောင်စုလွှတ်တော်အတည်ပြု

စည်သူ
ရန်ကုန်-၂၀၂၀ သြဂုတ် ၅ (မော်ကွန်း)

အီးမေးလ်နဲ့ ဒစ်ဂျစ်တယ်သက်သေခံဆိုင်ရာ အခြေခံအဆောက်အအုံစနစ်စီမံကိန်း အကောင်အထည်ဖော်ဆောင်နိုင်ရေးအတွက် သြစတြီးယား UniCredit Bank ထံကနေ ထောက်ပံ့ငွေ ယူရို ဝ.၈၆သန်းနဲ့ အတိုးမဲ့ချေးငွေ ယူရို ၄.၈၇၆သန်း ရယူဖို့ ပို့ဆောင်ရေးနှင့် ဆက်သွယ်ရေးဝန်ကြီးဌာနက တင်ပြထားတဲ့ ကိစ္စကို ဒီနေ့ ကျင်းပတဲ့ ပြည်ထောင်စုလွှတ်တော်အစည်းအဝေးမှာ အတည်ပြုလိုက်ပါတယ်။

အဆိုပါစီမံကိန်းမှာ အစိုးရဌာနအဖွဲ့အစည်းတွေရဲ့ အရေးကြီးကိစ္စရပ်တွေကို ကိုယ်ပိုင် domain နဲ့ Email တွေ လုံခြုံစွာအသုံးပြုနိုင်ဖိုနဲ့ ဒစ်ဂျစ်တယ်အသိအမှတ်ပြုလက်မှတ်ထုတ်ပေးခြင်း၊ စီမံခန့်ခွဲခြင်း၊ အသုံးပြုခြင်း၊ သိမ်းဆည်းခြင်းနဲ့ ဖျက်သိမ်းခြင်းတွေကိုပြုလုပ်‌ပေးနိုင်ဖို့ ဖြစ်တယ်လို့ ပို့ဆောင်ရေးနှင့် ဆက်သွယ်ရေးဝန်ကြီးဌာန ဒုတိယဝန်ကြီး ဦးသာဦးက ဇူလိုင် ၂၇ ရက်က လွှတ်တော်ကို တင်ပြထားတာဖြစ်ပါတယ်။

ချေးငွေးသက်တမ်းဟာ ၂၄ နှစ်ဖြစ်ပြီး ဆိုင်းငံ့ကာလ ခုနစ်နှစ်ခွဲ၊ ပြန်ဆပ်ကာလ ၁၆နှစ်ခွဲ ဖြစ်ပါတယ်။

အတိုးမဲ့ချေးငွေဖြစ်ပေမယ့် ချေးငွေအပြည့်အဝထုတ်ယူသုံးစွဲပြီးရင် အကြမ်းအားဖြင့် ဆိုင်းငံ့ကာလအတွင်းမှာ တစ်နှစ်ကို အာမခံကြေး ယူရို ၀ ဒသမ ၀၄၄ သန်းကို ပြန်ဆပ်ရမှာ ဖြစ်ပြီး ပြန်ဆပ်ကာလအတွင်း အရင်းနဲ့ အာမခံကြေးနှစ်ခုပေါင်းအမေရိကန်ဒေါ်လာ ၀ ဒသမ ၃၃၈ သန်းခန့်ကို နှစ်စဉ်ပြန်လည်ပေးဆပ်ရမှာဖြစ်ပါတယ်။

“စီမံကိန်းကို စာချုပ်ချုပ်ဆိုပြီး ခြောက်လအတွင်း အပြီးလုပ်ဆောင်ရမှာ ဖြစ်ပြီး အသုံးစရိတ်တွေကိုတော့ ထိရောက်စွာနဲ့ အလေအလွင့်မဖြစ်အောင် ထိန်းသိမ်း ကြပ်မတ်ပြီး စီမံကိန်းတိုးတတ်မှု အစီရင်ခံစာကိုပုံမှန်တင်ပြရမှာဖြစ်တယ်”လို့ စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန ဒုတိယဝန်ကြီး ဦးမောင်မောင်ဝင်းက ဇူလိုင် ၂၇ရက်က ပြောထားပါတယ်။

ပုံစာ – သတင်းအချက်အလက်နည်းပညာနှင့် ဆိုက်ဘာလုံခြုံရေးဦးစီးဌာနကဖွင့်လှစ်သည့် MySQL Database Course သင်တန်း။

ဓါတ်ပုံ – ပို့ဆောင်ရေးနှင့်ဆက်သွယ်ရေးဝန်ကြီးဌာနဝက်ဆိုက်


#Dailynews

အမျိုးအစား - သတင်း

"Myanmar Observer Media Group [MOMG] was founded in 2011 with aims to deeply observe challenging issues of Myanmar, to strongly encourage policy change through in-depth and investigative stories, and to vastly improve journalism skills among local journalists through trainings and workshops. The first edition of Mawkun came out in August 2012 after the censorship board was abolished. The magazine is published in Myanmar Language and its normal size is around 120 pages."