အသံတိတ်သပိတ်နေ့မှာ တပ်ထောက်ခံပွဲလုပ်ဖို့ ဦးဆောင်သူ ပစ်သတ်ခံရ

အသံတိတ်သပိတ်နေ့မှာ တပ်ထောက်ခံပွဲလုပ်ဖို့ ဦးဆောင်သူ ပစ်သတ်ခံရ

ညောင်ဦး – ၂၀၂၂ ဇန်နဝါရီ ၃၀ (မော်ကွန်း)

မန္တလေးတိုင်း၊ ညောင်ဦးမြို့မှာ အသံတိတ်သပိတ်ပြုလုပ်မယ့် ဖေဖော်ဝါရီလ ၁ ရက်နေ့မှာပဲ တပ်ထောက်ခံပွဲ ပြုလုပ်ဖို့ ဦးဆောင်စီစဉ်နေသူဟာ ပစ်ခတ်ခံရပြီး သေဆုံးသွားကြောင်း ဒေသခံက ပြောပါတယ်။

သေဆုံးသူဟာ ညောင်ဦးမြို့ အမှတ်(၁) ရပ်ကွက်အုပ်ချုပ်ရေးမှူးဟောင်း တင်စိုးဆိုသူ ဖြစ်ပြီး သူဟာ Golden Bagan စားသောက်ဆိုင်ပိုင်ရှင်လည်းဖြစ်ပါတယ်။

ဒီကနေ့ နံနက် ၇:၃၀ လောက်က သေနတ်နဲ့ပစ်ခတ်ခံရတာဖြစ်ပြီး သူဟာ ညောင်ဦးမြို့ တပ်ထောက်ခံပွဲကို ပြုလုပ်ီု့ စီစဉ်နေသူဖြစ်ကာ ပျူစောထီးအဖွဲ့ဝင်လို့လည်း လူသိများကြောင်း ဒေသခံကဆိုပါတယ်။

အာဏာသိမ်းစစ်ကောင်စီအား သတင်းပေးအလုပ်တွေလုပ်နေပြီး တပ်ထောက်ခံပွဲပါလုပ်ဖို့စီစဥ်နေလို့
Myin Gyan Twenty-One Guerilla Force (MTGF)၊ Guardians Of Mahlaing၊ Bagan Ogre Force နဲ့ TTA (ပြောက်ကျားတပ်) တောင်သာ မဟာမိတ်အဖွဲ့တွေကပစ်ခတ်ရှင်းလင်းကြောင်း အသိပေးပါတယ်။

အာဏာသိမ်းစစ်ကောင်စီရဲ့ ထောက်တိုင်တွေဟာ ဖေဖော်ဝါရီလ ၁ ရက်နေ့ ပြည်သူတွေအသံတိတ်သပိတ်ပြုလုပ်မယ့်နေ့မှာပဲ ရန်ကုန်မြို့နဲ့ မြို့ကြီးတချို့မှာ တပ်မတော်ထောက်ခံပွဲတွေပြူလုပ်ဖို့ စီစဥ်နေကြပါတယ်။

ပဲခူးတိုင်း၊နတ်တလင်းမြို့ နယ်မှာလည်း ဇန်နဝါရီလ ၂၈ ရက်နေ့က အသံတိတ်သပိတ်မှာ မပါဝင်ဖို့ လော်စပီကာနဲ့ လိုက်အော်နေသူတစ်ဦး ပစ်သတ်ခံခဲ့ရပါသေးတယ်။


#Dailynews

အမျိုးအစား - သတင်း

"Myanmar Observer Media Group [MOMG] was founded in 2011 with aims to deeply observe challenging issues of Myanmar, to strongly encourage policy change through in-depth and investigative stories, and to vastly improve journalism skills among local journalists through trainings and workshops. The first edition of Mawkun came out in August 2012 after the censorship board was abolished. The magazine is published in Myanmar Language and its normal size is around 120 pages."