သတင်းဆောင်းပါးများ

တိုးသထက်တိုးလာတဲ့ အမြဲတမ်းစစ်ရှောင်အရေး အကူညီပေးဖို့အရေးပေါ်လိုအပ်လာ

June 8, 2024

စစ်ကိုင်း – ၂၀၂၄ ဇွန် (မော်ကွန်း) စစ်ကိုင်းတိုင်းထဲမှာ စစ်ကောင်စီတပ်တွေနဲ့ ဒေသခံတော်လှန်ရေးအဖွဲ့တွေကြားက တိုက်ပွဲတွေအတွင်း အသက်လုနေရတဲ့ ဒေသခံတွေကို ‘ငါတို့မှာ ငါတို့ပဲရှိတယ်’ဆိုတဲ့ ကြွေးကြော်သံနဲ့ကူနေကြသူတွေဟာ ကြာလာတာနဲ့အမျှ မနိုင်ဝန်ထမ်းရသလို ဖြစ်လာနေကြပြီလို့ ကူညီနေသူတချို့ကဆိုကြပါတယ်။ တော်လှန်ရေးသုံးနှစ်‌ကျော်ကြာလာတဲ့အခါ “အလှူရှင်နည်းလာတယ်၊ ကူရတဲ့ပစ္စည်းတွေက ဈေးနှုန်းတွေကြီးလာတယ်။ ဒုက္ခရောက်နေတဲ့ပြည်သူတွေက များတယ်၊ ကူနိုင်တဲ့ပမာဏက နည်းတယ်။ အဲဒီတော့ ဆင့်ပါးစပ်နှမ်းပက်သလို ဖြစ်နေတာ” လို့ စစ်ကိုင်းတိုင်းမှာ စစ်ရှောင်တွေကိုကူညီနေတဲ့ ကိုပြည့်အောင်နိုင်က ပြောပါတယ်။ စစ်အာဏာသိမ်းပြီးနောက် မြန်မာနိုင်ငံမှာ ပြည်တွင်းစစ်ဘေးဒုက္ခသည်ပေါင်းဟာ ယခုနှစ် မေ ၂၀ ရက်အထိဆိုရင် သုံးသန်းကျော်အထိရှိနေပြီး အဲဒီအထဲက ၁ ဒသမ ၂ သန်းကျော် (ထက်ဝက်နီးပါး) က စစ်ကိုင်းတိုင်းမှာရှိနေတယ်လို့ ကုလသမဂ္ဂဒုက္ခသည်များဆိုင်ရာမဟာမင်းကြီးရုံး(UNHCR) က ဖော်ပြပါတယ်။ ပြည်တွင်းသုတေသနအဖွဲ့အစည်းတစ်ခုဖြစ်တဲ့ မြန်မာ့မဟာဗျူဟာနဲ့ […]

အပြည့်အစုံဖတ်ရန်

စစ်မှုထမ်းဥပဒေအောက်က လွတ်မြောက်ဖို့ရုန်းကန်နေကြရတဲ့ မြန်မာလူငယ်များ

May 30, 2024

ရန်ကုန် – ၂၀၂၄ မေ (မော်ကွန်း) ပြည့်ဖြိုးအောင်ဟာ သူရောက်နေတဲ့မြို့ငယ်လေးကစိုက်ခင်းထဲမှာ ပေါက်တူးတစ်လက်နဲ့ မြေကြီးတွေတူးဆွရင်း ဘာကြောင့်ဒါတွေလုပ်နေရတာလဲလို့ စိတ်နာနာနဲ့တွေးနေမိပါတယ်။ အသက် ၂၄ နှစ်အရွယ် လူငယ်ဘဝမှာ အိပ်မက်တွေအကောင်အထည်ဖော်ဖို့ ကိုရီးယားသွားမယ်၊ မိသားစုအိမ်လေးကို ပြန်ဆောက်မယ်၊ အဖေ့ရဲ့ အကြွေးတွေလည်းကူဆပ်မယ်ပေါ့။ အိပ်မက်တွေမက်လို့ကောင်းတုန်း ဒဂုံမြို့သစ်တောင်ပိုင်းက သူနေထိုင်တဲ့ရပ်ကွက်မှာ အသက် ၂၄ နှစ်ကနေ ၃၀ ကြားလူငယ်တွေကို စစ်မှုထမ်းဖို့ဆိုပြီး ရပ်ကွက်အုပ်ချုပ်ရေးမှူးနဲ့အဖွဲ့က ‌စာရင်းကောက်ယူမှုတွေ မေလဆန်းပိုင်းမှာ စတင်ခဲ့ပါတယ်။ ဒီမှာတင်ပဲ သူ့အိပ်မက်တွေဟာ ခြိမ်းခြောက်ခံနေရပြီလို့ ပြည့်ဖြိုးအောင် ခံစားလိုက်ရပါတော့တယ်။ အဲဒီအချိန်မှာ သူဟာ ကိုရီးယားဘာသာအရည်အချင်းစစ်စာမေးပွဲ EPS-TOPIK ကို ဖြေဆိုဖို့ ပြင်ဆင်စရာရှိတာတွေ ပြင်ဆင်နေတာပါ။ စစ်မှုထမ်းစာရင်းကောက်ယူသွားပြီးနောက်မှာတော့ သူ့မိသားစုဟာ တစ်ဦးတည်းသောသားဖြစ်သူကို နေရပ်ကနေ တိမ်းရှောင်စေခဲ့ပါတော့တယ်။ အခုတော့ သူ့မိဘဆွေမျိုးတွေရှိတဲ့ ရှမ်းပြည်နယ်ကမြို့လေးတစ်မြို့မှာ […]

အပြည့်အစုံဖတ်ရန်

လမ်းဘေးရေချမ်းစင်ကို ရေဖြည့်ပေးနေသူ

May 7, 2024

ရန်ကုန်–၂၀၂၄ မေ (မော်ကွန်းရေးသည်) မနက် ၁၀ နာရီလောက်မှာတင် နေအပူချိန်က ရန်ကုန်မြို့ရဲ့လမ်းမတွေကို တံလျှပ်တဟီးဟီးထအောင် လောင်မြှိုက်နေတယ်။ လှည်းတန်း၊ စံရိပ်ငြိမ်မှတ်တိုင်အနီး HIGER အမျိုးအစား အနီရောင်လေအိတ်ကားတစ်စီး ထိုးဆိုက်လာတယ်။ ကားတံခါးပွင့် လာတော့ လူငယ်တချို့ ကားပေါ်က ဆင်းလာကြပြီး လမ်းကိုဖြတ်ကူးကာ တစ်ဖက်က ဘုန်းကြီးကျောင်းဝင်းထဲကို ခပ်သုတ်သုတ် ဝင်သွားကြတယ်။ အေးနေအောင်အဲကွန်းဖွင့်ထားတဲ့ကားပေါ်ကနှစ်ခုံတွဲခုံတွေမှာကလေးတချို့ကထိုင်နှင့်နေပြီ။အသက်အားဖြင့်ခုနစ်နှစ်လောက်ကနေ၁၄နှစ်လောက်အထိအရွယ်စုံပဲ။သူတို့ကိုထိန်းတဲ့လူငယ်တချို့နဲ့အတူလှုပ်လှုပ်ရွရွထိုင်နေကြတာ။ “ဆရာမ သားတို့ကား မသွားသေးဘူးလား” “ဆရာ ကားက ဘာလို့ရပ်တာကြာနေတာလဲ” ဆိုပြီး ကားပေါ်မှာ ကျန်ရစ်ခဲ့တဲ့လူငယ်တချို့ကို သူတို့က မေးခွန်းထုတ် နေကြတယ်။ ကလေးတွေရဲ့မျက်နှာမှာတော့ အပြုံးတွေပွင့်လို့။ ၁၅ မိနစ်လောက်ကြာတော့ ဘုန်းကြီးကျောင်းဝင်းထဲကနေ ခုနကလူငယ်အဖွဲ့ အရွယ်စုံကလေးတသိုက်ကို လက်ကဆွဲရင်း ကားလမ်းကို ဖြတ်ကူးလာကြတယ်။ အဲဒီကလေးတွေထဲက တချို့ကဖိနပ်မပါ၊ တချို့က ညစ်ပေနေတဲ့အဝတ်အစားတွေကို ဝတ်ထားကြတယ်။ ဒီကလေးတွေရော၊ […]

အပြည့်အစုံဖတ်ရန်

လုပ်ချင်တိုင်းလုပ်၊ ရမ်းချင်တိုင်းရမ်းနေတဲ့ စစ်မှုထမ်းဥပဒေ

April 3, 2024

ရန်ကုန် – ၂၀၂၄ ဧပြီ (မော်ကွန်း) စစ်မှုထမ်းရမယ့်စာရင်းထဲ ကိုဖြိုးတစ်ယောက် မဲပေါက်သွားတဲ့နေ့ကစပြီး သူ့အမေဟာ နေ့တိုင်းငိုနေတယ်။ မိသားစုမှာ အကြီးဆုံးသားဖြစ်တဲ့ အသက် ၂၈ နှစ်အရွယ် ကိုဖြိုးဟာ ရန်ကုန်တိုင်း၊ မြောက်ဥက္ကလာပမြို့နယ်က ရပ်ကွက်တစ်ခုမှာ ရေသန့်ပို့တဲ့လုပ်ငန်းနဲ့ ဘေးတွဲဆိုင်ကယ်ပြေးဆွဲတဲ့ လုပ်ငန်းလုပ်ကိုင်သူပါ။ ကိုဖြိုးရဲ့ အောက်မှာတော့ အရွယ်မရောက်သေးတဲ့ ကျောင်းသားအရွယ် ကလေးနှစ်ယောက်ရှိပြီး ကိုဖြိုးမိခင်ကတော့ နေအိမ်မှာပဲကလေးထိန်းကာ ဖခင်ကလည်း ကျန်းမာရေးမကောင်းလို့ နေအိမ်မှာပဲ နားနေရသူပါ။ ကိုဖြိုးရဲ့ ရေသန့်ပို့တဲ့လုပ်ငန်းနဲ့ ဘေးတွဲဆိုင်ကယ်ပြေးဆွဲတဲ့ လုပ်ငန်းကရတဲ့ ဝင်ငွေနဲ့ပဲ မိသားစုတစ်ခုလုံး ရပ်တည်နေကြရတာပါ။ ယခုရက်ပိုင်းအတွင်း ကိုဖြိုးတို့ ရပ်ကွက်မှာ စစ်မှုထမ်းဖို့ အသက် ၂၄ နှစ်ကနေ ၃၀ ကြားရှိတဲ့ လူငယ်တွေ မဲနှိုက်ရမယ်ဆိုကာ ရာအိမ်မှူးအိမ်မှာ မဲနှိုက်ရွေးချယ်ခဲ့ကြပါတယ်။ အပိုင်းရှစ်ခုရှိတဲ့ ကိုဖြိုးတို့ရပ်ကွက်မှာ […]

အပြည့်အစုံဖတ်ရန်

နိုင်ငံရဲ့အနာဂတ်ကိုသင်းသတ်မယ့် မတရားဥပဒေအောက်က လူငယ်များ

February 20, 2024

ရန်ကုန် – ၂၀၂၄ ဖေဖော်ဝါရီ (မော်ကွန်း) အသက် ၂၇ နှစ်အရွယ် ကိုနိုင်(အမည်လွှဲ)က ရန်ကုန်မြို့၊ တောင်ဥက္ကလာပမြို့နယ်ဇာတိ။ အဖေ၊ အမေ၊ နှမဖြစ်သူတို့နဲ့အတူ သိုက်သိုက်ဝန်းဝန်းနေထိုင်တဲ့ မိသားစုဘဝကို သံယောဇဉ်ကြီးသူ။ သူဟာ ၂၀၂၁ နွေဦးမှာ ပေါ်ပေါက်လာတဲ့ အာဏာရှင်တော်လှန်ရေးလှိုင်းမှာလည်း အများသူငါလိုပဲ ပါဝင်ချီတက်ခဲ့ဖူးသူ။ ဒီအတွက် ၅၀၅–ကဆိုတဲ့ပုဒ်မနဲ့စစ်ကောင်စီကသူကိုထောင်ထဲနှစ်နှစ်ထည့်ခဲ့ပြီးပြီ။ တော်လှန်ရေးစိတ်ဓါတ်ကနဂိုကတည်းကရှိနေပေမယ့်မိသားစုဆိုတဲ့သံယောဇဉ်ကသူ့စိတ်ပိုင်းဖြတ်မှုတွေကိုတွေဝေအောင်ဘရိတ်ဖမ်းဆွဲပေးထားနိုင်တာဟာဒီလ၁၀ရက်နေ့အထိသာတတ်နိုင်ပါတော့တယ်။အဲဒီ့နေ့မှာပြည်သူ့စစ်မှုထမ်းဥပဒေဆိုတာကိုအသက်သွင်းပြီးတရားဝင်စစ်သားစုဆောင်းဖို့အာဏာသိမ်းစစ်ကောင်စီကကြိုးပမ်းလာတော့ကိုနိုင်တစ်ယောက်အနာဂတ်အတွက်ဆုံးဖြတ်ချက်ချရတော့တယ်။ “မိသားစုတွေနဲ့လည်း တိုင်ပင်ပြီးပြီ။ သူတို့ကလည်းအားပေးတယ်။ အဲဒါကြောင့် ကျွန်တော်ကတော့ ဟိုဘက်ကနေပြန်ချဖို့ ဆုံးဖြတ်ထားတယ်” လို့တောခိုပုန်ကန်မယ့်အစီအစဉ်ကိုသူကပြောပြတယ်။ ချောင်လည်တဲ့မိသားစုကမို့ တခြားရွေးချယ်စရာတွေရှိပေမယ့် နဂိုကတည်းက တော်လှန်ရေးကို တိမ်းညွတ်စိတ်ပါနေတဲ့သူမို့ ဒီတစ်ကြိမ်တော့ အကောင်အထည်ဖော်တော့မယ်လို့ သူကပြောတယ်။ သူ့သူငယ်ချင်းတချို့ကတော့ အရင်ကတည်းက တောခိုပြီး အာဏာသိမ်းစစ်တပ်ကို ပုန်ကန်တော်လှန်နေကြတာပါ။ “ကိုယ့်အိမ်တံခါးကို လာမခေါက်ခင် (စစ်မှုထမ်းဖို့ဆင့်ခေါ်စာလာမပို့ခင်) အရင်ထွက်သွားနိုင်အောင်လို့ ကျွန်တော်ကြိုးစား နေတယ်” လို့မြို့ကိုစွန့်ပြီးတောခိုမယ့်အစီအစဉ်ကိုကိုနိုင်ကပြောပြတယ်။ […]

အပြည့်အစုံဖတ်ရန်

စစ်တိုက်ရင်း အကြွေးနွံနစ်နေကြရတဲ့ ဒေသခံကာကွယ်ရေးအဖွဲ့တွေ

February 17, 2024

မုံရွာ – ၂၀၂၄ ဖေဖေါ်ဝါရီ (မော်ကွန်း) မုံရွာမြို့အနောက်ဘက်၊ ချင်းတွင်းမြစ်တစ်ဖက်ကမ်းက နှမ်းခင်းတစ်ခင်းမှာ လူငယ်တစ်စု တံစဉ်ကိုယ်စီကိုင်ကာ နှမ်းရိတ်တဲ့သူကရိတ်၊ ရိတ်ပြီးသားတွေကို နွားလှည်းတွေပေါ်တင်တဲ့သူကတင်နဲ့ အလုပ်ကိုယ်စီရှုပ်နေကြပါတယ်။ သီချင်းညည်းလိုက်၊ အချင်းချင်းစကားပြောလိုက်နဲ့ အညာနေပူပြင်းပြင်းကိုအံတုရင်း နေ့စားအလုပ် လုပ်နေကြတာပါ။ သူတို့ဟာ အာဏာသိမ်းစစ်ကောင်စီကို လက်နက်ကိုင်ခုခံတော်လှန်ရေးအားကောင်းတဲ့ စစ်ကိုင်းတိုင်း၊ ယင်းမာပင်မြို့နယ်က ချင်းတွင်းမြစ်ဝှမ်းအခြေပြုတဲ့ နွေဦးပြောက်ကျားတပ်စု Spring Guerrilla Platoon အဖွဲ့က ရဲဘော်တွေပါ။ ဒီတပ်ဖွဲ့ဟာ စစ်တပ်က အာဏာသိမ်းပြီး ၂၀၂၁ အစောပိုင်းကာလမှာ ယင်းမာပင်မြို့နယ်မှာ အခြေစိုက်ဖွဲ့စည်းခဲ့တဲ့ ဒေသခံကာကွယ်ရေးတပ်ဖွဲ့ ဖြစ်ပါတယ်။ စစ်ကောင်စီတပ်တွေ စစ်ကြောင်းမရှိတဲ့၊ ထိတွေ့တိုက်ပွဲမဖြစ်တဲ့ကာလတွေမှာ သူတို့တပ်ဖွဲ့မှာတင်နေတဲ့ အကြွေးတွေပြန်ဆပ်ဖို့ ရရာအလုပ်ဝင်လုပ်နေကြရတာပါ။ နှမ်းရိတ်နေ့စားလုပ်အားခအဖြစ် အမျိုးသားတစ်ဦး ရှစ်ထောင်ကျပ်ရပြီး အမျိုးသမီးတစ်ဦးကိုတော့ ခြောက်ထောင်ကျပ်ရတယ်လို့ တပ်ဖွဲ့ခေါင်းဆောင် ကိုဝေကြီးက‌ပြောပါတယ်။ ကျောက်လုံးကြီး PDF […]

အပြည့်အစုံဖတ်ရန်

ခါးပိုက်နှိုက်ဒဏ် အလူးအလဲခံနေရတဲ့ ရန်ကုန်

November 7, 2023

ရန်ကုန် – နိုဝင်ဘာ ၂၀၂၃ (မော်ကွန်း) ကုမ္ပဏီဝန်ထမ်းကိုစိုးကြီးဟာ နေထိုင်ရာတောင်ဒဂုံကနေ ရုံးရှိရာသာကေတကိုသွားဖို့ လူတွေပြည့်ကျပ်နေတဲ့ YBS-၉၅ ကို ရုံးချိန်မီရေး တိုးတိုးခွေ့ခွေ့နဲ့ သူတက်စီးခဲ့ပါတယ်။ ဒီလိုနဲ့ ဆင်းမယ့်မှတ်တိုင်နီးလာလို့တံခါးပေါက်နားကို သူရွှေ့တဲ့အခါ သူ့အနားကို လူသုံးဦးတိုးကပ်လာတာကို သတိထားမိလိုက်တယ်။ သူ့ကိုအတင်းပူးကပ်နေတဲ့ ထိုသုံးဦးကိုမသင်္ကာတာကြောင့် ရင်ဘက်မှာလွယ်ထားတဲ့ကျောပိုး အိတ်ကို စမ်းကြည့်တဲ့အခါ ကျပ်ငါးသိန်းလောက်တန်တဲ့ဖုန်းမရှိတော့ပါဘူး။ “အဲဒါနဲ့ ရှေ့ကကပ်တဲ့တစ်ယောက်ကို လှမ်းဆွဲထားလိုက်တာ။ သူ့အိတ်ကိုစစ်တော့ ကျွန်တော်ဖုန်းမရှိဘူးဗျာ။ အနော်မာ မှတ်တိုင်ရောက်တော့ လေး၊ ငါးယောက်ဆင်းသွားတာပေါ့ဗျာ။ ကျွန်တော်လည်းလိုက်ဆင်းပြီး နောက်တစ်ယောက်ကို ပြေးဆွဲ လိုက်တာ၊ မင်းနေဦးဆိုပြီး လှမ်းဆွဲပြီးစစ်တော့ သူ့လက်ထဲကဖုန်းကလည်း ကျွန်တော့်ဖုန်းမဟုတ်ဘူး” လို့ ဩဂုတ်လ နှောင်းပိုင်းတုန်းကကြုံခဲ့ရတဲ့အဖြစ်ကို ကိုစိုးကြီးကပြန်ပြောပြတယ်။ ကားပေါ်မှာသူ့နားပူးကပ်တဲ့သူတချို့ကို ဒေါသတကြီးနဲ့ရှာဖွေတာမျိုးလုပ်ပေမယ့် အဲဒီလူတွေကတော့ သူ့ကိုတစ်စုံတစ်ရာ ပြန်ရန်ပြုတာမျိုးတော့မရှိခဲ့ဘူးလို့ ကိုစိုးကြီးကပြောပြတယ်။ ဖုန်းပြန်မရတာကြောင့် စိတ်လေပြီးကားမှတ်တိုင်မှာခဏထိုင်နေတုန်း […]

အပြည့်အစုံဖတ်ရန်

ဒုက္ခတွင်းနက်ထဲကို စိုက်ဆင်းနေကြတဲ့ မြန်မာလယ်သမားများ

October 3, 2023

ရန်ကုန် – ၂၀၂၃ အောက်တိုဘာ (မော်ကွန်း) ဒီမိုးတွင်း ဦးဖိုးဆယ် သူ့လယ်နှစ်ဧကကိုပြန်စိုက်ရတာ သုံးခါရှိပါပြီ။ အခြောက်စိုက်လို့ခေါ်တဲ့ မိုးမကျခင် ထွန်ယက်ကြဲပက်စိုက်တုန်းကတစ်ခါ၊ မိုးရွာပြီးနောက် ထွန်ယက်စိုက်တုန်းကတစ်ခါစိုက်ခဲ့ပေမယ့် ဒီအခင်းတွေက မျိုးမအောင်ခဲ့ဘူး။ ဒီတော့ ဩဂုတ်လိုမိုးလယ်ပိုင်းမှာ တခြားအခင်းကပျိုးနုတ်ပြီး ထပ်စိုက်ရတာပေါ့။ “ဒီတစ်ကြိမ်ပျက်ရင်တော့သွားပြီ၊ ထပ်စိုက်ချင်ရင်တောင်မမီတော့ဘူး” လို့ လယ်ကန်သင်းရိုးတွေပေါ်လျှောက်ရင်း အသက် ၆၄ နှစ်အရွယ် ဦးဖိုးဆယ်က ပြောပြတယ်။ ဦးဖိုးဆယ်က ရန်ကုန်တစ်ဖက်ကမ်း၊ ဒလမြို့နယ်၊ ခနောင်ကျေးရွာမှာနေထိုင်တဲ့ လယ်သမားပါ။ ဒီနှစ်သူစိုက်တဲ့ လယ် ၁၅ ဧက အနက် ဒီနှစ်ဧကကပျက်စီးခဲ့တာပါ။ “ကိုယ့်လယ်မှာ အပေါက်ကြီး(ကွက်လပ်)ဖြစ်နေတာမျိုးမလိုချင်လို့သာ ထပ်စိုက်နေရတာ။ ထွက်လာမယ့်စပါးနဲ့တွက်ရင် ဒီနှစ်ဧကကတော့ငါရှုံးပြီ” လို့ သူကညည်းတွားတယ်။ စက်ကိရိယာ၊ မျိုးစေ့၊ လုပ်သားနဲ့ သွင်းအားစုဖိုးပါထည့်တွက်ရင် တစ်ဧကစိုက်စရိတ်အရင်းက စပါးပေါ်ချိန်အထိဆိုရင် ကျပ်ငါးသိန်းဝန်းကျင်မှာရှိတော့ ဒီဒဏ်တွေကို […]

အပြည့်အစုံဖတ်ရန်

ကုန်စျေးနှုန်းနွံထဲ တဖြည်းဖြည်းနစ်လာနေတဲ့ မြန်မာပြည်သူများ

September 7, 2023

ရန်ကုန် – ၂၀၂၃ စက်တင်ဘာ (မော်ကွန်း) တောင်ဒဂုံ (၁၄၀) ရပ်ကွက်က ဆိုင်ကယ်ကယ်ရီသမားဦးမျိုးဟာ ဘေးကာတွေ၊ ရှေ့မီးကြီးတွေမရှိတော့တဲ့ သူ့ရဲ့ ခပ်စုတ်စုတ်ဘေးတွဲဆိုင်ကယ်ကို ရောင်းချဖို့စီစဉ်နေပါပြီ။ သူဟာ လွန်ခဲ့တဲ့ငါးနှစ်ကတည်းက တောင်ဒဂုံမြို့နယ်ထဲမှာ ဆိုင်ကယ်ကယ်ရီဆွဲပြီး အသက်မွေးနေသူတစ်ဦးပါ။ ကလေးနှစ်ယောက်ဖခင်ဖြစ်တဲ့ သူ့ရဲ့ဝင်ငွေက တစ်ရက်ကို ကျပ်တစ်သောင်းနီးပါးရှိပါတယ်။ လွန်ခဲ့တဲ့ခြောက်လက သူ့ရဲ့ဆိုင်ကယ်ကို အင်ဂျင်ချဖို့ငွေလိုတာကြောင့် ရပ်ကွက်ထဲငွေတိုးချေးသူဆီကနေ ၂၀ တိုးနဲ့ ကျပ်တစ်သိန်းချေးယူခဲ့ပြီး နောက်တစ်ကြိမ်မှာတော့ ဘေးတွဲဆင်ဖို့ ကျပ်တစ်သိန်းထပ်မံချေးယူခဲ့ရပါတယ်။ ချေးငွေနှစ်ကြိမ်အတွက် အတိုးတွေတက်လာခဲ့ပြီး ခြောက်လအတွင်း အတိုးရောအရင်းပါ လေးသိန်းနီးပါးရှိလာပြီးတဲ့နောက်မှာတော့ ဆိုင်ကယ်ကိုရောင်းချဖို့ဖြစ်လာတယ်လို့ ဦးမျိုးကပြောပါတယ်။ ဆိုင်ကယ်ကယ်ရီတွေ ပေါများလာမှု၊ စက်သုံးဆီဈေးနှုန်း မြင့်တက်နေမှုတွေကြောင့် ဝင်ငွေကျဆင်းခဲ့ပြီး အခုလို အကြွေးတွေတင်လာတာလို့ သူကပြောပါတယ်။ “အကြွေးဆပ်ဖို့ကို ဘယ်လိုမှမတတ်နိုင်တော့တာ။ ဆီဈေးနဲ့ ကုန်ဈေးနှုန်းနဲ့ ဘယ်လိုမှလိုက်မမီတော့ဘူး။ ဆိုင်ကယ်ရောင်းပြီး သူများဆိုင်ကယ်ပဲ […]

အပြည့်အစုံဖတ်ရန်

ယင်းမာပင်-ဆားလင်းကြီးရွာပေါင်းစုံသပိတ်ရက်ပေါင်း ၈၆၃ မြောက်နေ့အဖြစ်ချီတက်ဆန္ဒပြ

August 2, 2023

ယင်းမာပင် – ၂၀၂၃ ဩဂုတ် ၂ (မော်ကွန်း) စစ်အာဏာရှင်ကိုဆန့်ကျင်ကြောင်း နေ့စဉ်မပြတ်ဆန္ဒထုတ်ဖော်နေတဲ့ စစ်ကိုင်းတိုင်း၊ လူထုသပိတ်တွေထဲကတစ်ဖွဲ့ဖြစ်တဲ့ ယင်းမာပင်-ဆားလင်းကြီးကျေးရွာပေါင်းစုံသပိတ်ဟာ ဒီကနေ့မှာ ရက်ပေါင်း ၈၆၃ မြောက်နေ့အဖြစ် ချီတက်ဆန္ဒပြခဲ့ကြပါတယ်။ ရုပ်သံ – Mawkun Magazine YouTube – https://youtu.be/siw14BBMu8E #Dailynews

အပြည့်အစုံဖတ်ရန်

ရဲအစားထိုး ခွေးကိုပိုအားကိုးလာရတဲ့မုံရွာ

July 11, 2023

မုံရွာ – ဇူလိုင် ၂၀၂၃ (မော်ကွန်း) ဟိုအရင်က လမ်းဘေးခွေးလေခွေးလွင့်ဆို ခြံဝန်းအနီးနားကပ်လာတာနဲ့ အော်ဟစ်မောင်းထုတ်တတ်တဲ့ဒေါ်ဌေးဟာ လွန်ခဲ့တဲ့ရှစ်လလောက်ကစပြီး လမ်းဘေးခွေးတွေကို သူ့အိမ်အနီးဝန်းကျင်မှာ အချိန်မှန်အစာကျွေး ဂရုစိုက်တတ်လာပါတယ်။ ဘာကြောင့် အခုလိုဂရုတစိုက်ကျွေးမွေးနေရလဲဆိုတော့ “သူခိုးတွေပေါလို့ဟေ့၊ လမ်းဘေးခွေးတွေကို နေ့တိုင်းအစာကျွေးထားရတာ။ သူတို့က လူစိမ်းဝင်လာတာနဲ့ဟောင်တော့ နည်းနည်းတော်သေးတာပေါ့” လို့ ဒေါ်ဌေးက ပြောပါတယ်။ သူနေထိုင်တဲ့အောင်ချမ်းသာရပ်ကွက်ဟာ မုံရွာမြို့မြောက်ပိုင်းမှာရှိပြီး အာဏာသိမ်းစစ်ကောင်စီတပ်ရဲ့ ခြေလျင်တပ်ရင်း ခလရ (၁၆) နဲ့ ဘေးချင်းကပ် ရပ်ကွက်ကြီးတစ်ခုဖြစ်ပါတယ်။ (Photo : Mawkun) အရင်က ခွေးချစ်သူတွေလောက်သာဂရုစိုက်တဲ့ လမ်းဘေးခွေးလေခွေးလွင့်တွေဟာ စစ်တပ်အာဏာသိမ်းပြီးနောက်ပိုင်း သောင်းကျန်းလာတဲ့သူခိုးတွေကြောင့် အခုဆို သားပေါက်တာနဲ့ အလုအယက်အိမ်မှာခေါ်မွေးတာ၊ အိမ်အနီးနားလမ်းတွေမှာ နေထိုင်စေတာမျိုးတွေအထိ ဂရုစိုက်ခံလာရတဲ့ အဖိုးတန်ခွေးလေးတွေဖြစ်လာပါတယ်။ ဒီလိုတွေဖြစ်လာတာဟာ အောင်ချမ်းသာရပ်ကွက်တစ်ခုတည်းမဟုတ်ဘဲ စစ်ကိုင်းတိုင်းရဲ့မြို့တော်ဖြစ်တဲ့ မုံရွာမြို့ပေါ်ကရပ်ကွက်အများစုမှာလည်း လမ်းဘေးခွေးသားပေါက်တာနဲ့ သူ့ထက်ငါ […]

အပြည့်အစုံဖတ်ရန်

စစ်ကောင်စီလက်ထက် မြင့်တက်လာတဲ့ လူကုန်ကူးမှု အန္တရာယ်

June 4, 2023

ရန်ကုန်–မေ ၂၀၂၃ မော်ကွန်း ပဲခူးမြစ်အရှေ့ဘက်ကမ်းနဖူးပေါ်မှာ ရေလုပ်ငန်းလုပ်ပြီးအေးအေးချမ်းချမ်းနေထိုင်နေတဲ့ ကိုမောင်ဦးရဲ့မိသားစုဆီကို သူတိုနဲ့သိကျွမ်းဖူးခဲ့တဲ့ ရန်ကုန်မြို့၊ ယုဇနဥယျာဉ်မြို့တော်ကအမျိုးသမီးနှစ်ဦး ပြီးခဲ့တဲ့နှစ်လယ်ပိုင်းမှာ ရောက်ရှိလာပြီး ကိုမောင်ဦးကို ထိုင်းနိုင်ငံမှာအလုပ်အကိုင် တရားဝင်ရရှိစေမယ်လို့ အဲ့ဒီအမျိုးသမီးနှစ်ဦးကစည်းရုံးပြောဆိုခဲ့ပါတယ်။ အဲဒီအမျိုးသမီးနှစ်ဦးဟာပွဲစားခ၂၈သိန်းကျပ်ရပြီးနောက်ကိုမောင်ဦးအပါအဝင်လူခုနစ်ဦးကိုရန်ကုန်မှာပတ်စ်ပို့ပြုလုပ်ပေးခဲ့ပြီး၂၀၂၂အောက်တိုဘာထဲမှာမြဝတီနယ်စပ်ကနေထိုင်းနိုင်ငံကိုသောင်ရင်းမြစ်ကိုဖြတ်ကျော်ပို့ဆောင်ခဲ့ပါတယ်။ ထိုင်းနိုင်ငံက ဆပ်ပြာကုမ္ပဏီတစ်ခုမှာ တစ်လကို ငွေကျပ် ၁၂ သိန်းနဲ့ တရားဝင်အလုပ်လုပ်ကိုင်ခွင့်ရမယ်ဆိုတာကြောင့် ကိုမောင်ဦးတို့ဟာ ထွက်ခွာလာခဲ့ကြတာပါ။ ထိုင်းနိုင်ငံရောက်သွားတဲ့အခါမှာတော့ သူတို့ပြောထားသလို ဆပ်ပြာကုမ္ပဏီမှာမဟုတ်ဘဲ ထိုင်းနဲ့ကမ္ဘောဒီးယားနိုင်ငံ နယ်စပ်အနီးမှာရှိတဲ့ စောင်စက်ရုံတစ်ခုမှာပဲ သူတို့ကိုအလုပ်သွင်းပေးခဲ့ပါတယ်။ အဲဒီ စက်ရုံမှာ မနက် ၈ နာရီကနေ ညနေ ၆ နာရီထိ ဇယ်ဆက်သလို အလုပ်လုပ်နေရပြီး နေ့စဉ်အလုပ်ခွင်မှာလည်း အော်ဟစ်ကြိမ်းမောင်းခိုင်းစေတာကို ခံခဲ့ရပါတယ်။ ဒါ့အပြင် အလုပ်သမားတွေကိုလည်း စက်ရုံဝင်းအတွင်းမှာရှိတဲ့ အခန်းဖွဲ့မထားတဲ့ တိုက်တန်းလျားတစ်ခုမှာ နေထိုင်စေပါတယ်။ အဲ့ဒီတိုက်တန်းလျားထဲမှာ အလုပ်သမားတွေဟာ တန်းစီကာကျပ်ကျပ်တည်းတည်းအိပ်စက်ရပြီး ရေချိုးခန်း၊ အိမ်သာ […]

အပြည့်အစုံဖတ်ရန်
1 2 3 4 29

"Myanmar Observer Media Group [MOMG] was founded in 2011 with aims to deeply observe challenging issues of Myanmar, to strongly encourage policy change through in-depth and investigative stories, and to vastly improve journalism skills among local journalists through trainings and workshops. The first edition of Mawkun came out in August 2012 after the censorship board was abolished. The magazine is published in Myanmar Language and its normal size is around 120 pages."