Home သတင်းဆောင်းပါး အကူအညီ လိုအပ်နေသော ‘ ကူညီပါရစေ ‘ များ အပိုင်း(၂)

အကူအညီ လိုအပ်နေသော ‘ ကူညီပါရစေ ‘ များ အပိုင်း(၂)

164
0
Advertise Here

လစာနည်းပါး

ရဲဝန်ထမ်းများအနေနှင့် လုပ်ဆောင်ရ သည့် တာဝန်ဝတ္တရား များပြားသည့်တိုင် ရရှိလာသော လစာအနေအထားက နည်း ပါးလှကြောင်း ရဲဝန်ထမ်းတွေက ညည်း တွားကြသည်။ ဦးသိန်းစိန် အစိုးရလက် ထက်တွင် လစာနှုန်းထားများ ပြောင်းလဲ လာသော် လည်း လောက်ငမှုမရှိသေးပေ။

ပြောင်းလဲလာသော  လစာနှုန်း ထားများအရ ရဲတပ်သားတစ်ဦးလျှင် ယခင် ၇၅,ဝဝဝ ကျပ်မှ ယခု ၁၂ဝ,ဝဝဝ ကျပ်ရှိပြီး သူ့ထက်တစ်ဆင့် ရာထူး ကြီးသည့် ဒုတပ်ကြပ်တစ်ဦးလျှင် ယခင် ၈၁,ဝဝဝ ကျပ်မှ ၁၃၅,ဝဝဝ ကျပ်သို့ တိုး မြှင့်ထားသည်။ ဆိုရလျှင် ရဲတပ်သားမှနေ ၍ ရာထူးအဆင့် တစ်ဆင့်ချင်းအတွက် ကျပ် ၁၅,ဝဝဝ စီ ကွာဟတိုးမြှင့်ထားခြင်း ဖြစ်၏။

Advertise Here

ယင်းကို ဒုရဲမှူးကြီးလှသန်းက”လက်ရှိရနေတဲ့ ရဲဝန်ထမ်းလစာဆိုတာ က တစ်ကိုယ်ရေအတွက်တော့ လောက် မယ်လေ။ မိသားစုနဲ့ဖြစ်လာရင်တော့ မလောက်တော့ဘူး”ဟု ဆိုပါသည်။

ပြင်ဦးလွင်မှ ဒုရဲအုပ်မိသားစုဆို လျှင် ရသည့်လစာနှင့် မလုံလောက်သည့် အတွက် ဇနီးဖြစ်သူက မိဘ၏ အထောက် အပံ့ငွေဖြင့် စပါးပေး၊ ပဲပေး လုပ်ကာ တစ်ဖက်တစ်လမ်းမှ ဝင်ငွေရှာ ရပ်တည်ရသည် ဟု သူက ပြောပါသည်။ ထိုသို့လုပ်ကိုင်ခြင်း မပြုပါက သူရသည့် လစာငွေ နှစ်သိန်း တစ်သောင်းမှာ မိသားစုလေးယောက် အတွက် လောက်ငခြင်း မရှိ။ ရိက္ခာအဖြစ် ထောက်ပံ့သည့် တစ်ရက် ငွေကျပ်တစ် ထောင်နှင့် ပေါင်းပါမှ တစ်လ ငွေကျပ်နှစ် သိန်းခွဲခန့်သာရ၏။

ယခုဆိုလျှင် သူတို့၏ သမီးအကြီး မှာ လေးနှစ်ပြည့်၍ မူကြိုပင် တက်နေပြီ။ ”ကလေးတွေကျောင်းစရိတ်လည်း လို လာပြီဆိုတော့ စိတ်မောလူမောဖြစ်လာ ရပြီ” ဟု သူက ညည်း၏။

ထိုသို့သော မိသားစုစားဝတ်နေရေး တာဝန်၊ ကလေးများ၏ ပညာရေး၊ ကျန်း မာရေး အစရှိသော အရေးအရာများနှင့် ပတ်သက်ပြီး ဇီးပင်ကြီး ရဲအရာရှိလေ့ကျင့် ရေးကျောင်းမှ ဝန်ထမ်း တပ်ကြပ်ကြီး မြင့်အောင်သည်လည်း ရင်ဆိုင်ဖြေရှင်းခဲ့ ရဖူးပါသည်။

သူ့တွင် သားသမီးလေးယောက်ရှိ ကာ ရသည့်လစာကိုးသောင်းနှစ်ထောင် နှင့် ကလေးတွေကို ကျောင်းထားရန် သိပ်ပြီး အဆင်မပြေလှ။ အတန်းငယ်စဉ် မှာတော့ စရိတ်တတ်နိုင်သည့်တိုင် အတန်း ကြီးလာသည်နှင့်အမျှ ကုန်ကျစရိတ်က လည်း မြင့်တက်လာခဲ့သည်။ သို့ဖြစ်ရာ ကလေးများကိုယ်တိုင် သူတို့ ကျောင်း စရိတ်သူတို့ရှာ၍ ကျောင်းတက်ခဲ့ရသည် ဟုဆိုသည်။

ရဲဝန်ထမ်းသားသမီးများ၏ ပညာ ရေးနှင့်ပတ်သက်ပြီး ဌာနချုပ်မှ ကျောင်း သုံးပစ္စည်းများနှင့် ကျောင်းဝတ်စုံတချို့ ထောက်ပံ့မှု လုပ်ဆောင်ပေးလျက်ရှိ ကြောင်း ဇီးပင်ကြီးရဲအရာရှိသင်တန်း ကျောင်းမှ ရဲမှူးကြီးဝင်းမြင့်စိုးက ပြော သည်။ ထိုကဲ့သို့ ထောက်ပံ့မှုကို မူလတန်းမှ အထက်တန်းအထိ တာဝန်ယူဆောင် ရွက်ပေးခြင်းဖြစ်ကြောင်းလည်း သူက ရှင်းပြ၏။

သို့သော်လည်း လုံလောက်မှု မရှိ ကြောင်း ဝန်ထမ်းမိသားစုအချို့က ပြော ဆိုကြသည်။ တစ်ချိန်တည်းမှာပင် လစာ နည်းပါးမှုကြောင့် မိသားစုအနာဂတ် အတွက် ငွေမစုဆောင်းနိုင်သကဲ့သို့ နေ စရာအိုးအိမ်တိုက်တာကိုလည်း စိတ်ကူး မယဉ်နိုင်ကြပါ။

အထက်ပါ အခြေအနေများကြောင့် လည်း ရဲတပ်ဖွဲ့သို့ ဝင်ရောက်ရန် စိတ်အား ထက်သန်မှု နည်းပါးလာကြကာ အင်အား မလုံလောက်မှုကို ဖြည့်တင်းရာတွင် အဟန့်အတားဖြစ်ရသည်ဟု ရမည်းသင်း ရဲသင်တန်းကျောင်းမှ ကျောင်းအုပ်ကြီး၊ ဒုရဲမှူးကြီးလှသန်းက ဆို၏။

”အဆောင်အယောင်နဲ့ လစာတွေ တိုးပေးလာရင်တော့ ရဲလုပ်ငန်းပိုပြီး အောင်မြင်မယ်”ဟု သူက သုံးသပ်သည်။

ရဲတပ်ဖွဲ့အသုံးစရိတ် လျော့နည်းနေ မှုကလည်း တပ်ဖွဲ့ဝင်များ၏ ကျန်းမာရေးစောင့်ရှောက်မှုအပိုင်းတွင် အားနည်း ချက်တစ်ခု ဖြစ်နေသည်ဟု တပ်ဖွဲ့ဝင်များ က ဆိုသည်။

ကျန်းမာရေးစောင့်ရှောက်မှု မလုံလောက်

ရဲမှူးကြီးဝင်းမြင့်စိုးကတော့ သင် တန်းကျောင်းအတွင်း ဆေးပေးခန်းတစ် ခုထားရှိကာ သာမန်ဖျားနာမှုများအတွက် ကျန်းမာရေးစောင့်ရှောက်မှုပေးထား ကြောင်း ရှင်းပြသည်။

ရမည်းသင်းလေ့ကျင့်ရေးသင်တန်း သားများနှင့် တာဝန်ကျရဲဝန်ထမ်းများ အတွက် လက်ထောက်ဆရာဝန်တစ်ဦး၊ လက်ထောက်ကျန်းမာရေးမှူးနှစ်ဦး၊ ဆေးစပ်နှစ်ဦးကို ဌာနချုပ်မှ ပံ့ပိုးပေးထား ကြောင်း ဒုရဲမှူးကြီးလှသန်းက ပြော သည်။ ယင်းကျောင်းတွင် သင်တန်းသား အပါအဝင် ဝန်ထမ်းအင်အား ၂၅ဝ ကျော် ရှိ၏။

နယ်မြေစခန်းများတွင်တော့ သက် ဆိုင်ရာ မြို့နယ်ကျန်းမာရေးဌာနများနှင့် ချိတ်ဆက်ကာ စခန်းတာဝန်ရှိသူတစ် ဦးဦး၏ ထောက်ခံချက်ဖြင့် ဆေးကုသမှုခံ ယူခွင့်ရှိသည်ဟုဆိုသည်။

သို့သော် သာမန်ဖျားနာမှုထက် ပိုသော ကျန်းမာရေးဆိုင်ရာပြဿနာ များကို သက်ဆိုင်ရာမြို့နယ်များတွင် ကုသပေးနိုင်ခြင်း မရှိပါက မိမိအစီ အစဉ်ဖြင့်သာကုသရပြီး ယင်းအတွက် ကုန်ကျစရိတ်အား ဆေးစာနှင့်အတူ တင် ပြတောင်းခံနိုင်သည်ဟု ရဲမှူးကြီးဝင်း မြင့်စိုးက ဆိုပါသည်။

ဒူးဆစ်လွဲသည့်ဒဏ်ရာကြောင့် မိမိ အစီအစဉ်ဖြင့် ဆေးကုသမှုခံယူခဲ့ရသည့် တပ်ကြပ်ကြီးမြင့်အောင်ကတော့ ဆေး ကုသစရိတ်ထောက်ပံ့မည်ဟု ကြားသိ ထားသော်လည်း မည်ကဲ့သို့ထုတ်ယူရ မည်ကို နားမလည်သောကြောင့် သူကုန် ကျခဲ့သည့် ငွေလေးသိန်းနီးပါးမှာလည်း ယခုထိမထုတ်ရသေးဟု ပြောသည်။

ရဲတပ်ဖွဲ့ဝင်များအနေဖြင့် တပ်မ တော်တပ်ရင်းများမှ တပ်ဖွဲ့ဝင်များကဲ့သို့ ဆေးကုသမှုခံယူနိုင်သည့် နေရာဌာန သီး ခြားဆောင်ရွက်ပေးထားခြင်း မရှိပေ။ တပ်မတော်သားများဆိုလျှင် တပ်မတော် စစ်ဆေးရုံများ သီးခြားထားရှိပြီး ဆေးကုသ မှု ခံယူနိုင်သည်။

ရဲမှူးကြီးဝင်းမြင့်စိုးကတော့ ”ပြု ပြင်ပြောင်းလဲရေးကို လုပ်ဆောင်လာပြီ ဆိုတော့ နောက်ပိုင်းမှာ အဲဒီ (ထိရောက် သော ကုသမှုခံယူနိုင်မည့် ဆေးရုံ၊ ဆေး ခန်း)အထိဖြစ်လာနိုင်မယ်လို့တော့ မျှော် လင့်ပါတယ်”ဟု သူ့အမြင်ကို ပြောသည်။

ရဲဝန်ထမ်းများသည် ပြည်သူလူထု နှင့်နေ့စဉ် အနီးကပ်ဆုံး ဆက်ဆံရသည့် အပြင် ပြည်သူကို ဝန်ဆောင်မှုပေးရသော အဖွဲ့အစည်းတစ်ခုဖြစ်သော်လည်း သူတို့ ရရှိနိုင်သည့် ခံစားခွင့်များမှာတော့ နည်း ပါးနေဆဲပင်ဖြစ်၏။

အဂတိလိုက်စားမှုတွေရှိနေ

ထိုသို့သော အခြေအနေများ၏ နောက်ဆက်တွဲအကျိုးဆက်များကြောင့် လိုင်းကြေးရယူကာ ဝင်ငွေရှာဖွေခြင်း၊ ဥပဒေကို မျက်ကွယ်ပြုလာကြခြင်းနှင့် အမှုသည်များအပေါ်တွင် ဝန်ထုပ်ဝန်ပိုး ဖြစ်စေမည့် ငွေကြေးတောင်းယူမှုများကို ပါ ဆောင်ရွက်သည်များအထိ လုပ်ဆောင် လာကြသည်ဟု ဒုရဲမှူးကြီးလှသန်းက ဆို ပါ၏။

”လာဘ်ပေးလာဘ်ယူလိုဟာမျိုး ကို အရေးယူမှကိုရမယ်၊ ဆရာတပည့်မို့ ဆိုပြီး ကြည့်နေလို့မရဘူး။ ပြောချင်တာက ထိရောက်စွာအရေးယူရမယ်၊ ကျောသား ရင်သားခွဲခြားလို့ မရဘူး”ဟု သူက ဆက် ပြောသည်။

ရဲဝန်ထမ်းများနှင့် ပတ်သက်ပြီး လာဘ်ပေးလာဘ်ယူမှုကဲ့သို့ အဂတိလိုက် စားမှုများတွင် ပါဝင်ပတ်သက်နေမှု ကြောင့် ပြည်သူလူထုက အမြင်မကြည် လင်မှုများလည်း ရှိ၏။

ပြီးခဲ့သည့်မေလအတွင်းက မိတ္ထီလာ မြို့ရှိဆီဆိုင်တစ်ဆိုင်တွင် ဝန်ထမ်းတစ်ဦး ဓာတ်လိုက်သေဆုံးသည့် အမှုတစ်ခုဖြစ် ပွားခဲ့၏။ အဆိုပါအမှုတွင် အမှုသည်ဖြစ် သူက ၄င်းထံမှ မြို့မရဲစခန်းမှူးက ငွေ တောင်းယူခဲ့သည်ဟုဆိုကာ အဂတိလိုက် စားမှုတိုက်ဖျက်ရေးကော်မရှင်သို့ တိုင် ကြားခဲ့သည်ဟု ဇူလိုင် ၁၁ ရက်ထုတ် The Voice Daily သတင်းစာတွင် ဖော်ပြပါ ရှိသည်။

ထို့ပြင် ပြည်သူ့လွှတ်တော် တရားစီ ရင်ရေးနှင့် ဥပဒေရေးရာကော်မတီသို့ ပေးပို့သော အဂတိလိုက်စားမှုနှင့် ပတ် သက်သည့် တိုင်ကြားစာပေါင်း ၅ဝဝ အား ထိုကော်မတီက စစ်ဆေးလျက်ရှိရာတွင် အတိုင်ခံရသူများထဲ၌ တရားသူကြီးများ၊ အုပ်ချုပ်ရေးမှူးများအပြင် ရဲများလည်းပါ ဝင်နေကြောင်း ကော်မတီ အတွင်းရေးမှူး က The Daily Eleven သတင်းစာကို ဇွန်လအတွင်းက ပြောကြားထားသည်။

အဂတိလိုက်စားမှုတွင် အောက် ခြေတပ်သားများသာ မဟုတ်ဘဲ အထက် အဆင့်ဆင့်မှ ပုဂ္ဂိုလ်များလည်း ပါဝင်နေ သည်ဟု EU ၏ မြန်မာနိုင်ငံရဲတပ်ဖွဲ့ ပြုပြင်ပြောင်းလဲရေးအစီအစဉ်တွင် အကြံပေးအဖြစ် တာဝန်ထမ်းဆောင်ခဲ့ သော ဦးနေမျိုးနိုင်က ဆိုပါသည်။

ရာထူးကြီးသည့် ပုဂ္ဂိုလ်များက လာဘ်စားရာတွင် အောက်ခြေတပ်သား များအား ရှာဖွေခိုင်းတတ်သလို ကိုယ့် နည်းကိုယ့်ဟန်နှင့် ရှာယူသည်များလည်း တွေ့ရသည်ဟု သူက ဆက်ပြော၏။

ယခုအစိုးရသစ်ကတော့ လာဘ် ပေးလာဘ်ယူလုပ်သည့် ဝန်ထမ်းများကို ထိရောက်စွာအရေးယူ ဆောင်ရွက်သွား မည်ဖြစ်သည်ဟု တရားဝင် ထုတ်ဖော်ပြော ကြားထားသည်။

မည်သို့ဆိုစေ ရဲဝန်ထမ်းများ၏ လစာမလုံလောက်မှု အပါအဝင် အခြား သောအခက်အခဲများကြောင့် ပြည်သူ့ဝန် ဆောင်မှုလုပ်ငန်းများတွင် အားနည်းချက် အချို့လည်း ရှိလာကြောင်း မော်ကွန်းက ချဉ်းကပ်ခဲ့သည့် သတင်းရင်းမြစ်အများစု က ထောက်ပြကြသည်။

ထိုသို့သော အားနည်းမှုရှိခြင်း ကြောင့်လည်း ရဲတပ်ဖွဲ့နှင့် ပြည်သူလူထု ကြား အမြင်မကြည်လင်မှုများရှိခဲ့သည်။ အမှုကိစ္စတစ်ခု ဖြစ်ပွားပါက ရဲတပ်ဖွဲ့၏ ကိုင်တွယ်ဆောင်ရွက်မှုနှင့် စပ်လျဉ်းပြီး ပြည်သူလူထုက မေးခွန်းထုတ်ကြရာတွင် ”ခုထိ မပြီးနိုင်သေးဘူးလား”ဟူသော အပြစ်တင်လိုသည့်အမေးမျိုးကို မကြာ ခဏရင်ဆိုင်ရသည်ဟု ပြင်ဦးလွင်မှ ဒုရဲ အုပ်က ဆိုသည်။

ထို့ကြောင့်လည်း ရဲတပ်ဖွဲ့ပြုပြင် ပြောင်းလဲရေးကို မျှော်လင့်နေကြခြင်း ဖြစ်သည်ဟု ရန်ကုန်မြို့တွင်း ရဲစခန်းတစ် ခုမှ အမည်မဖော်လိုသည့် စခန်းမှူးက ပြောသည်။

ဘယ်လိုပြောင်းမလဲ

ရဲတပ်ဖွဲ့ပြုပြင်ပြောင်းလဲရေးအတွက် သင်တန်းကျောင်းများမှစ၍ သင်ကြား သင်ယူမှုပုံစံကိုပါ ပြောင်းလဲသင့်ကြောင်း ပညာရှင်များက ထောက်ပြကြသည်။

”အရည်အချင်းရှိတဲ့ သင်တန်း ဆရာတွေနဲ့ သင်ကြားပေးဖို့ လိုပါတယ်”ဟု ရဲမှူး(ငြိမ်း)ခင်မောင်စိုးက အကြံပြု၏။

သင်တန်းဆရာအဖြစ် တာဝန်ပေး ခံရသူများကိုယ်တိုင်က အမှန်တကယ် တတ်ကျွမ်းနားလည်သူများဖြစ်မှသာ သင် ကြားမှုခံယူသူများလည်း အမှန်တကယ် တတ်ကျွမ်းနားလည်နိုင်မည် ဖြစ်သည်ဟု သူက ဆက်ပြောသည်။

သင်တန်းကျောင်းများတွင် အရည် အချင်းပြည့်ဝသော နည်းပြများ မလုံ လောက်ခြင်းကြောင့် ရာဇာဝတ်မှုနှိုမ်နင်း ရေး လုပ်ဆောင်သည့် ရဲဝန်ထမ်းတို့အနေ ဖြင့် အမှုမှန်ဖော်ထုတ်ရာတွင် အားနည်း ချက်များ ရှိနေသည်ဟု ရဲမှူး(ငြိမ်း) ခင် မောင်စိုးက ထောက်ပြသည်။

မြန်မာနိုင်ငံရဲတပ်ဖွဲ့ ဌာနချုပ်၊ မှုခင်း ဌာနကြီးမှ တာဝန်ရှိသူတစ်ဦး၏အဆိုအရ လူသတ်မှုနှင့် မုဒိမ်းမှုကဲ့သို့သော အမှုကြီး များတွင် အမှုဖြစ်စဉ်အားလုံး၏ ၈၅ ရာခိုင် နှုန်းခန့်သာ အရေးယူဆောင်ရွက်နိုင်သေး ကြောင်း မော်ကွန်းကို ပြောပါသည်။

ရန်ကုန်တိုင်းဒေသကြီး၊ ကြည့်မြင်တိုင်မြို့နယ်တွင် မေလအတွင်းက ဖြစ်ပွား ခဲ့သည့် အနုကြမ်းစီးမှုဆိုလျှင် ကလေး ငယ်အား ဓားစာခံလုပ်ကာ လုယက်မှုမှာ ရဲတပ်ဖွဲ့ဝင်များ၏ အရည်အချင်းကို မေး ခွန်းထုတ်သည့်အလား ဖြစ်ပျက်ခဲ့သည်ဟု ပြည်သူလူထုက ထောက်ပြကြသည်။

EU ကတော့ ရဲသားများ၏အရည် အချင်းပြည့်မီရေးအတွက် အကူအညီပေး မှုများ လုပ်ဆောင်ရာတွင် လူစုလူဝေး အား စနစ်တကျထိန်းသိမ်းနည်း၊ ပြည်သူ ဗဟိုပြု ရဲလုပ်ငန်းစနစ်၊ ရဲတပ်ဖွဲ့၏လုပ် ဆောင်ချက်များ ပိုမိုထိရောက်စေမည့် အရပ်ဘက်ဆက်ဆံရေး၊ လွှတ်တော်အပေါ်  တာဝန်ခံရေးတို့ကို ဦးစားပေးလုပ်ဆောင် လျက်ရှိသည်။

အဆိုပါအချက်များအနက် လွှတ် တော်အပေါ် တာဝန်ခံရေးသည် အရေး ကြီးသည့် လုပ်ငန်းစဉ်တစ်ရပ်ဖြစ်သည်ဟု EU ၏  မြန်မာနိုင်ငံရဲတပ်ဖွဲ့ပြုပြင်ပြောင်း လဲရေးအစီအစဉ်တွင် အကြံပေးလုပ်ခဲ့ဖူး သူ ဦးနေမျိုးနိုင်က သုံးသပ်သည်။ ဆိုလို သည်မှာ ပြည်ထဲရေးဝန်ကြီးဌာန၏ လမ်း ညွှန်မှုအောက်တွင်လုပ်ဆောင်နေခြင်း ထက် သီးခြားအဖွဲ့အစည်းအဖြစ် ရပ် တည်ပြီး ပြည်သူရွေးချယ်တင်မြှောက် သော ပြည်သူ့ကိုယ်စားလှယ်များဖြင့် ဖွဲ့ စည်းထားသည့် လွှတ်တော်ကို တာဝန် ခံဖို့လိုအပ်ခြင်းကို ဆိုလိုခြင်းဖြစ်သည်။

ယခုလက်ရှိအခြေအနေကဲ့သို့ ပြည် ထဲရေးဝန်ကြီးဌာနအောက်မှ ဦးစီးဌာန တစ်ခုအနေဖြင့်သာ ရှိနေပါက ရဲလုပ်ငန်း စဉ်၏ လိုအပ်ချက်များဖြည့်ဆည်းရာတွင် အခက်အခဲများစွာရှိနေကြောင်း သူက ထောက်ပြသည်။

ဝန်ကြီးဌာနအောက်တွင် ဦးစီးဌာန တစ်ခုအဆင့်ဖြင့်သာ ရှိပါက ဘဏ္ဍာငွေရ ရှိမှုနည်းပါးသကဲ့သို့ လွန်ကဲသော ဗဟိုထိန်း ချုပ်မှုအောက်တွင်လည်းရှိနေသည့် အပြင် ယခင်ကကဲ့သို့ တပ်မတော်နှင့် အစိုးရ၏ လက်ကိုင်တုတ်သဖွယ် ဆက်ဖြစ်နေမည် ဟုလည်း ဦးနေမျိုးနိုင်က ရှင်းပြသည်။ ထို သို့ရှိနေသည့် တစ်ချိန်တည်းမှာပင် ရဲတပ်ဖွဲ့ပြုပြင်ပြောင်းလဲရေးလုပ်ငန်းစဉ် နှောင့် နှေးနိုင်သည်ဟု သူက ဆိုပါသည်။

နိုင်ငံတကာမှအခြေအနေများကို လေ့လာ ကြည့်မည်ဆိုပါကအင်ဒိုနီးရှား နိုင်ငံဆိုလျှင် ရဲတပ်ဖွဲ့ပြုပြင်ပြောင်းလဲရေး လုပ်ဆောင်ရန် ဆယ်စုနှစ်တစ်ခုကျော်ကြာ အချိန်ယူခဲ့ရကြောင်း သူက ထောက်ပြ သည်။ ထိုကဲ့သို့ အချိန်ယူလုပ်ဆောင်ရ သည့်အတွက်လည်း အဆင့်တစ်ခုချင်း အလိုက် ပြုပြင်ယူသင့်သည်ဟု သူက အကြံ ပြု၏။

ရဲဝန်ထမ်းများကိုယ်တိုင်ကတော့ လစာရိက္ခာတိုးမြှင့်ပေးရေး၊ နေအိမ်လိုင်း ခန်းများ လုံလောက်စွာတည်ဆောက်ပေး ရေး၊ ကျန်းမာရေးစောင့်ရှောက်မှုရရှိရေး အစရှိသည်တို့တွင် အာရုံစိုက်လုပ်ဆောင် လာရန် မျှော်လင့်ကြသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တွေ့ဆုံခွင့်ရ လိုက်သည့် ရမည်းသင်း ရဲလေ့ကျင့်ရေး ကျောင်းမှ ဒုတပ်ကြပ်စောထွန်းဦး၏ဇနီး ဒေါ်ခင်မာကတော့ ”လိုင်းခန်းတွေ လုံ လောက်အောင်၊ ပြီးတော့ အဲဒီလိုင်းခန်း တွေမှာ ရေ၊ မီး အဆင်ပြေအောင်ဆောင် ရွက်ပေးစေချင်တယ်”ဟု ရင်ဖွင့်၏။

ဒေါ်ခင်မာသည် သူ့အမျိုးသား၏ လစာငွေနှင့် မိသားစုစားဝတ်နေရေး ဖြေ ရှင်းနိုင်သည်။ သို့သော် ဆယ်တန်းကျောင်း သားတစ်ယောက်နှင့် ခြောက်တန်းကျောင်း သားတစ်ယောက်တို့၏ ကျောင်းစရိတ်များ အတွက် ဝက်မွေး ကာ ကျောင်းထားရသည့် အိမ်ရှင်မတစ်ဦးလည်း ဖြစ်၏။

ဇီးပင်ကြီး ရဲအရာရှိသင်တန်း ကျောင်းမှ တပ်ကြပ်ကြီးမြင့်အောင်သည် ယခုဆို ညည အိပ်၍မပျော်။ ပင်စင်ယူပြီး ချိန် မည်သို့ နေထိုင်ရမည်ဆိုသည်ကို တွေး တောပူပန်ကာ အိပ်၍မပျော်နိုင်ခြင်းပင် ဖြစ်သည်။ ပင်စင်ယူဖို့ကလည်း သူ့အတွက် အချိန်သိပ်မလိုတော့။ လာမည့်လေးနှစ်ဆို လျှင် သူ့အသက်ခြောက်ဆယ်ပြည့်ပြီ။

အနာဂတ်အတွက် ရည်မှန်းကာ စုဆောင်းထားသော ငွေကျပ်လေးသိန်း ခန့်ကို ဒူးဆစ်လွဲတုန်းက ဆေးကုသစရိတ် အတွက် အသုံးပြုလိုက်ရခြင်းကြောင့် ပင် စင်ယူချိန်တွင် မျှော်လင့်ချက်မဲ့သလို ဖြစ်နေသည်။

မှုန်ရီဝိုးဝါးသော သူ၏အနာဂတ် နှင့်ပတ်သက်ပြီး တပ်ကြပ်ကြီးမြင့်အောင် က ယခုလိုညည်းတွားသည်။

”ပင်စင်ယူပြီးရင် ဘယ်လိုနေရပါ့ မလဲဆိုတာကို တွေးတောင် မတွေးရဲဘူး’။         ။         အပိုင်း( ၁) သို့

၂၀၁၆-သြဂုတ်လထုတ်၊ မော်ကွန်း မဂ္ဂဇင်း အမှတ် (၃၇) မှ မျက်နှာဖုံး ဆောင်းပါး ဖြစ်ပါ သည်။

Advertise Here

LEAVE A REPLY

Please enter your comment!
Please enter your name here